اسپیکر و ڈپٹی اسپیکر قومی اسمبلی نا مستونگ لیویز چیک پوسٹ جلہو نا مذمت

اسلام آباد: اسپیکر قومی اسمبلی راجہ پرویز اشرف و ڈپٹی اسپیکر زاہد اکرم درانی مستونگ بلوچستان اٹی لیویز چیک پوسٹ آ دہشت گرد جلہو نا مذمت ءِ کرسا اِرا کارندہ غاتا شہیدی آ ڈکھیائی و است ہسونی نا درشانی ءِ کرینو۔ سے شنبے نادے آ تینا مذمتی بیان آتے ٹی اوفک جلہو اٹی اِرا لیویز کارندہ منظور احمد و محمد اسلم نا جانی نسخان آ ڈکھیائی و است ہسونی نا درشانی ءِ کریر و پاریر کہ غمزدہ خاہوت آتا ڈکھیائی و غم اٹی بریبر نا شریک ءُ۔ اوفک پاریر کہ ملک اٹی امن ءِ لتاڑوک آتون سختی اٹ مون تننگک۔ مچ آ قوم سیکورٹی فورس آتون ہم کوپہ سلوک ءُ۔ اسپیکر وڈپٹی اسپیکر قومی اسمبلی شہید آتا درجہ غاتا بڑزی و پدسلوک آ خاہوت آتے دا بے بدل نسخان ءِ سگنگ کن صبر وجمیل عطا کننگ نا دعاہم کریر۔

(اے پی پی)