نوشکے‘ زمیندار ایکشن کمیٹی نا دیوان ضلعی صدر میر محمد اعظم ماندائی نا کماشی ٹی اڈ ہلک

نوشکے : زمیندار ایکشن کمیٹی نوشکے نا اہم ءُ دیوان اس بی اینڈ آر ریسٹ ہاوس اٹ ضلعی صدر میر محمد اعظم ماندائی نا کماشی ٹی اڈ ہلک۔ دیوان اٹ کشارگر تا بھلو کچ اس بشخ ہلک۔ دیوان اٹ میر محمد اعظم ماندائی، جنرل سیکرٹری حاجی شاہ زمان خان جمالدینی، میر خورشید جمالدینی، مولانا عبدالصمد مینگل، محمد عارف بادینی، حاجی رسول بخش مینگل و ایلوفک تران کریر۔ ضلعی صدر میر محمد اعظم ماندائی کشارگر تے پارینے کہ کیسکو تون ضلعی انتظامیہ نا کماشی ٹی مذاکرات آن پد ضلع نا خلقی کل فیڈر آتا مسکوہی بجلی شیڈول جاری مسنے۔ کیسکو معاہدہ غا عمل درآمد بنا کرینے۔ دا زمیندار و خلقی فیڈر آتے اُرا تا باتی تیا بھلو زمواری اس مریک کہ اوفک تینا توہی بجلی بل و واجبات آتا زوت اس اوفتے ادا کننگے۔

(آن لائن)