میاں غنڈی کرنٹائن سینٹر اٹ 25 آن زیات ناجوڑ آتا زند گڑتی تا باٹی ءِ‘ رپورٹ
Get real time updates directly on you device, subscribe now.
کوئٹہ (آن لائن) میاں غنڈی کرنٹائن سینٹر اٹ 25 آن زیات ناجوڑ آتا زند گڑتی تا باٹی ءِ‘ سینٹر اٹ ایلوبندغ آتا ہم وائرس آن زہمی مننگ ناخلیس ودی مس‘ سینٹر اٹ تعینات کارندہ غاک رکھی گڑا مفننگ ناسوب آن ناجوڑ آتے کمرہ غاتیان آئسولیشن وارڈ اٹ گدریفنگ آن نمن مسر۔حوالی نا رد اٹ تدوک آدے میاں غنڈی کرنٹائن سینٹر اٹ ہرا بندغ آتے ٹی کورونا وائرس پک مسوسس اوفتے جتا جتا ہسپتال آتا آئسولیشن وارڈ آتے ٹی گدریفنگ نا فیصلہ کننگاسس ولے اوفتیان 25آن زیات بندغ ہسپتال آتا آئسولیشن وارڈ اٹ ہننگ آن نمن مسر و تینے کمرہ غاتے ٹی بند کریر ہرانا سوب آن کرنٹائن سینٹر اٹ تعینات کارندہ غاک ہم اوفتا کمرہ غاتے ٹی ہننگ آن نمن مسر‘ کارندہ غاتا موقف ءِ کہ اوفتتون رکھی کٹ اف ہرانا سوب آن اوفتا زند ءِ خلیس تون اوار اوار ایلوہرا بندغ آک کرنٹائن سینٹر اٹی ءِ اوفتا ہم وائرس آن زہمی مننگ نا خلیس ودی مسنے۔