ترکیہ شام زمی جمب، زوال مروک آتا کچ 46 ہزار آن گدرینگا
Get real time updates directly on you device, subscribe now.
انقرہ : ترکیہ و شام اٹ مروک زمی جمب آن کہوک آتا کچ ودسا 46 ہزار آن گدرینگانے۔ ترک میڈیا نا رد اٹ ترکیہ ٹی دا وخت اسکان 40 ہزار 642 بندغ زوال مسنو و داسہ ہم گڑاتے اینک کننگ نا کاریم برجاءِ وخت اس کہ شام اٹ 5 ہزار 814 بندغ زوال مسنو‘ زہمی علاقہ غاتے ٹی داسکان ریسکیو نا کاریم ترندی اٹ برجاءِ۔ کہوک آتا کچ انا ودنگ نا گڑتی ارے۔ ایلو کنڈآ مچ آ دنیا غان زہمی تیکن کمک راہی کننگ انگ ءِ‘ وخت اس کہ پاکستان نا کنڈآن جہاز آتے ٹی ترکیہ وشام اٹ زہمی تیکن کمک راہی کننگانے۔ اقوم متحدہ ناکنڈآن ہم ترکیہ ٹی زہمی جمب نا زہمی تا کمک کن ارب ڈالر نا خواست کننگانے۔ سیکرٹری جنرل اقوام متحدہ انتونیو گوتریس پارینے کہ فنڈ ترکیہ ٹی 52 لکھ بندغ ءِ 3تُو اکن انسانی کمک فراوان کیک۔ ایلو کنڈآ ترکیہ ٹی زمی جمب نازہمی تیکن ٹیلی میراتھن نشریات ہم کننگا‘ ہراٹی چندی ٹی وی چینل آک منہ گھنٹہ ٹی 6 ارب ڈالر آن زیات نا کمک مچ کریر۔
(آن لائن)