ورنا تا کسبکاری کن بلوچستان حکومت و گوگل نا نیام اٹ معاہدہ غا دستخط
گوگل ورنا تے آئی ٹی بشخ اٹ کسبکار کننگ کن صوبائی محکمہ حوالکاری نا ڈیجیٹلائزیشن اٹ کمک ہم فراوان کیک
Get real time updates directly on you device, subscribe now.
کوئٹہ: بلوچستان نا ورناتے آئی ٹی نا بشخ اٹی کسبکاری نا فراوانی نا بابت بلوچستان حکومت و گوگل نا نیام اٹ مفاہمتی یادداشت آ دستخط کننگا۔ دا گام انا مسخت ورناتے ساڑی آ دور انا خواست آتون ہم گرنچ کرسا آن لائن روزگار نا دوئی کننگ نا وڑ اٹ جوڑ کننگ ءِ۔ حکومت بلوچستان و گوگل نانیام اٹ بلوچستان نا ورناتے گوگل اسکالر شپ و انٹرن شپ نا بابت معاہدہ کننگانے۔ گوگل صوبائی محکمہ حوالکاری نا ڈیجیٹلائزیشن اٹ کمک ہم فراوان کیک۔ صوبائی وزیر خزانہ زمرک خان اچکزئی و چیف سیکرٹری عبدالعزیز عقیلی ئسک ہم دود اٹی بشخ ہلکر۔ مفاہمتی یا ت داشت آتیا سیکرٹری آئی ٹی طیب لہڑی سیکرٹری حوالکاری محمد حمزہ شفقات و گوگل ٹیم لیڈر عمر فاروق ئسک دستخط کریر۔ داوخت آ چیف سیکرٹری پارے کہ بلوچستان حکومت و گوگل نا نیام اٹ معاہدہ اہم ءُ پیش رفت اسے۔ وزیراعلیٰ بلوچستان صوبہ نا ورناتے باوقار روزگار نا فراوانی ٹی بھاز است خواہی تخک۔ چیف سیکرٹری پارے کہ بلوچستان نا ورناتے ہر بشخ اٹی مون آ ہِننگ نا وارخواہی فراوان کننگ انگ ءِ۔ داسال مئی ٹی گوگل بلوچستان نا ورناتیکن 1000 اسکالرشپ تسوسس۔ داپروگرام اٹ 900 آن زیات ورناک انرولمنٹ کرفیر۔ معاہدہ نا سرجم آتیان معلومدار کرسا سیکرٹری حوالکاری محمد حمزہ شفقات پارے کہ گوگل نا کنڈآن پین 2000 اسکالر شپ تننگانے اوفتے ٹی مارو مسن تیکن اسہ اسہ ہزار اسکالر شپ اوار ءُ۔ اوپارے کہ انٹرن شپ تخوک ورناتا انٹرنیشنل سرٹیفکیشن مریک ہرااوفتے آن لائن جاب دوئی کننگ اٹ کمک رسینگک و انٹرنیز ماہانہ اسہ ہزار ڈالر اسکان کٹیا کننگ نا قابل مریر ہ۔
(اے پی پی)