سعودی عرب و ترکیہ دفاعی کمکاری نا ایگزیکٹیو پلان آ دستخط کریر
Get real time updates directly on you device, subscribe now.
ریاض: سعودی عرب و ترکیہ دفاعی کمکاری نا ایگزیکٹیو پلان آ دستخط کریر۔ سعودی خبررساں ادارہ نا رداٹ سعودی عرب نا وزیر دفاع شہزادہ خالد بن سلمان تدوک آ دے جدہ ٹی ترک وزیر دفاع یاشار گلرتون دفاعی کمکاری نا ایگزیکٹیو پلان آ دستخط کننگ نا پڑو کریر۔ سعودی وزیر دفاع ٹویٹ ٹی پارے کہ دا گام ہڑتوم آ سنگت ملک آتا نیام اٹ دفاعی و عسکری بشخ اٹی کمکاری نا پوسکن آ جہت ءِ۔ اوپارے کہ وزارت دفاع و ترکیہ نا بایکار ڈیفنس انڈسٹریز کمپنی نا نیام اٹ اِرا معاہدہ غاتیا دستخط کننگا۔ ہرافتا رداٹ وزارت دفاع ڈرونز دوئی کیک۔ دانا مسخت سلہہ بند فوج انا کچ ءِ ودفنگ و مملکت نا دفاع نا مینو فیکچرنگ لائخی تے سوگو کننگ ءِ۔ ایلو کنڈا ترک وزیر دفاع اسہ بیان اسے ٹی پارے کہ سعودی وزارت دفاع تون معاہدہ ٹی ٹیکنالوجی نا گدریفنگ و اسیجائی پیدوار اٹ کمکاری اوار ءِ۔
(اے پی پی)