ژوب جلہو اٹ دہشتگرد آتا کنڈ آن امریکی سلہہ کاریم اٹ اتنگ نا پت پاش
Get real time updates directly on you device, subscribe now.
کوئٹہ : بلوچستان نا علاقہ ژوب اٹ خلنگوک دہشت گرد آتا بابت راستکی پاش مسنے‘ ٹی ٹی پی نا ژوب جلہو نا وخت آ دہشت گردآک امریکی سلہہ و ازباب کاریم اٹ ایسر‘ سوج ودی مسنے کہ دا پوسکن آسلہہ و وردیک دہشت گرد آتسکان امر سرمسر؟ بلوچستان نا علاقہ ژوب اٹ جلہو نا وخت آ دہشت گرد آک اوغانستان اٹ امریکی فوج انا الوک سلہہ تے کاریم اٹ ایسر ہرافتے ٹی 5.56 ایم ایم کیلیبر،16 M اسالٹ رائفل و جوان آب انا ہیلمٹ، دستانہ، بیک پیک و یونیفارم، پاکستان نا برخلاف کاریم اٹ ایسر‘ فوٹو تے ٹی خننگک کہ جلہوکروک دہشتگرد ہراکہ خلنگانے امریکی وردی بینوک ءِ‘ سوج ودی مسنے کہ دا پوسکن آسلہہ و وردیک دہشت گردآتسکان امر سرمسر؟
(آن لائن)