کورونا کیس آتا کچ اٹی کمتی بننگ ءِ،الس نا جانجوڑی ءِ اولیت تننگک، اسد عمر

اسلام آباد (اے پی پی) بنجائی وزیر ڈٹ بندی شونداری و اصلاحات و خصوصی گام گیج اسد عمر راجی رابطہ نا ویب سائٹ آ تینا ٹویٹ اٹی پارینے کہ کورونا کیس آتا کچ اٹی کمتی بننگ ءِ، جون انا نیام اٹی مثبت کیس آتا کچ 22 درسد آن زیات ئس، تدوک آ دے 24 ہزار 262بندغ نا ٹیسٹ ءِ کننگا ہرافتیان 2145مثبت بسر۔ اوپارے کہ مثبت کیس آتیٹی 60 درسد کمتی بسنے۔ اسد عمر تینا ٹویٹ اٹی پارے کہ جون 1 آن 15 اوسط ٹیسٹ، 23403و 1 جولائی آن 15 اوسط ٹیسٹ، 22969ئسر۔ اوپارے کہ جون 1 آن 15 اوسط کورونا کیس، 5056و جولائی 1 آن 15 اوسط کیس، 0973اسکان بسر۔ اوپارے کہ ناجوڑ آتیٹی کمتی الس نا گچین رویہ و انتظامی گام گیج آتا بھرم ءِ۔ ٹیسٹ اٹی کمتی نا سوب آن آخا، اومستی پارے کہ احتیاط اٹی کمتی آن دین انا تالانی زیات مننگ کیک۔ داکان بیدس نیشنل کمانڈ اینڈ آپریشن سینٹر(این سی او سی) رکھی گام گیج آتیا عملدرآمد نا بابت ڈیجیٹل ڈیٹا نا جاچ آ سجفے، فورم پِڑی تا بست و بند و خاص کر رکھی گام گیج آتے پک کننگ آ زور شاغا۔ فیس ماسک و رکھی گام گیج آتیا عمل کورونا غان بچنگ نا وڑوڈول ءِ۔ بنجائی وزیر ڈٹ بندی شونداری و اصلاحات و خصوصی گام گیج اسد عمر پارینے کہ الس نا جان جوڑی و رکھ ءِ اولیت ایتنہ و دابابت بھلا عئید آ ہروڑ انا نرمی کورونا دین انا تالانی ٹی ودکی کننگ کیک۔ غٹ صوبہ غاک داہیت ءِ پک کیر کہ رکھی گام گیج آتیا سختی اٹ عملدرآمد مرے خاص کر پِڑی تا ٹہیفنگ اٹ غٹ رکھی گام گیج آتے کاریم اٹ اتنگے۔ اسد عمر پارے کہ جون 1 آن 15 اوسط کورونا کیس23،403 و جولائی 1 آن 15 اوسط ٹیسٹ 22،969جون 1 آن 15 اوسط کورونا کیس5،056و جولائی 1آن 15 اوسط کیس 3،097 ناجوڑ آتیٹی کمتی الس نا رکھی گام گیج آتا بابت گچین رویہ و انتظامی گام گیج ہراٹی سمارٹ لاک ڈاؤن و رکھی گام گیج آتیا عملدرآمد کن کروک آ گام گیج آتا بھرم ءِ۔ ٹیسٹ اٹ کمتی نا سوب آن آخا، احتیاط اٹ کمتی آن دین انا تالانی ودنگ کیک۔