چیئرمین نیب انا کنڈ آن کے الیکٹرک نا انکوائری نا پرمان
Get real time updates directly on you device, subscribe now.
اسلام آباد (اے پی پی) قومی احتساب بیورو(نیب) انا چیئرمین جسٹس جاوید اقبال کے الیکٹرک نا برخلاف السی غاو و میڈیا رپورٹ آتیا نوٹس ہلسا غیر اعلامیہ مریس لوڈشیڈنگ، ارب آ روپئی نا اووربلنگ و حکومت پاکستان تون کروک آ معاہدہ ہرانا رداٹ کے الیکٹرک مبینہ وڑاٹ بجلی نانظام ءِ پوسکن آ وڑوڈول آتیا اتسا درکار زرکاری کروئی ئس و دامعاہدہ نا مبینہ وڑاٹ پورو پاسداری ءِ کپننگ نا دوبہ ٹی نیب کراچی ءِ انکوائری کننگ نا پرمان کرینے۔ نیب کراچی ءِ کے الیکٹرک آن معاہدہ نا کاپی، تعلقدار دستاویز و زرکاری نا سرجم آتے دوئی کننگ نا پارت کننگانے۔ چیئرمین نیب پارے کہ نیب اسہ قومی ءُ ادارہ اسے ہراکے الیکٹرک ءِ الس آن اووربلنگ نا مد اٹ ارب آ روپئی نا زر مون تننگ و غیر اعلانیہ مریس لوڈشیڈنگ و معاہدہ نا پاسداری ءِ کپننگ آ من مانی نا موکل تفک، نیب کانود نارداٹ بے پرخ احتساب آ یخین تخک ہرانا رداٹ نیب کراچی ءِ کے الیکٹرک نا برخلاف مسہ تُواٹی انکوائری ءِ پورو کننگ نا پارت کننگانے۔