خصوصی مہم آتا مفننگ آن پولیو نا گڑتی مون تروک ءِ، ڈاکٹر ظفرمرزا

اسلام آباد (اے پی پی) وزیراعظم نا خصوصی کمکار جان جوڑی ڈاکٹر ظفرمرزا پارینے کہ کورونا دین انا ننا زرگزران آ خراب ءُ زہم اس تمانے، پولیو مہم آتا مفننگ نا سوب آن چناتے پولیو وائرس نا گڑتی مون تروک ءِ، ننے داسہ ساڑی آ وخت اٹی کورونا تون زند ءِ تیر کننگ نا گرج ءِ، ای غٹ لمہ و باوہ غاتیان خواست کیوہ کہ او تینا چناتے مچ آ وئی نا معذوری آن بچفنگ کن پولیو نا پڑی ضرور کنفر۔ چناتا گچین جان جوڑی ءِ اولیت ایتنہ۔ پنچ شنبے نادے آ وزارت نا کنڈآن جاری بیان اٹی او پارے کہ دُوارہ پولیو مہم نا بنانا ڈٹ بندی صوبہ غاتون تین پہ تینی سلابت اٹ ترتیب تننگا و جون انا تُواٹی باقاعدہ پولیو نا ٹیکنیکل ایڈوائزری پڑک آن منظوری ءِ ہلنگا۔ ڈٹ بندی نا رداٹ اگست و ستمبر اٹی خاص انگا علاقہ غاتیٹی و 2020 ٹی مسہ قومی مہم چلیفنگ نا حکمت عملی اس جوڑ کننگانے۔