کورونا نا توننگ کن گام گیج آک ستا کڑزرہ، اسپیکر قومی اسمبلی

0

Get real time updates directly on you device, subscribe now.

اسلام آباد (اے پی پی) اسپیکر قومی اسمبلی اسد قیصر تون وزیراعلیٰ خیبرپختونخوا محمود خان پنچ شنبے نادے آ پارلیمنٹ ہاؤس اٹی اوڑدہی کرے ہراٹی ملک انا جم زرگزرانی حالیت، خیبرپختونخوا ٹی برجا شونداری ڈٹ آتون اوار تین پہ تینی است خواہی نا باندات آتیا گپ وتران کننگا۔ اسپیکر قومی اسمبلی داوخت آ پارے کہ کورونا دین انا سوب آن نئے بیرہ پاکستان بلکن مچ آ دنیا نا زرگزران تیا منفی زہم تمانے، کورونا دین انا توننگ کن صوبہ غاک و بنجانا کنڈآن وخت آ کروک آ گام گیج آک ستاکڑزرہ۔ قومی اسمبلی صوبائی اسمبلی تے کانود جوڑ کننگ نا عمل ءِ گچین کننگ کن ہروڑنا کمک فراوان کننگ کن تیار ءِ۔اوپارے کہ پاک۔ چین اقتصادی راہداری مچ آ ڈیہہ کن اسہ گیم چینجر ڈٹ اسے نا حیثیت تخک، سی پیک آن درملکی زرکاری ٹی ودکی مریک ہرانا ملکی زرگزران آ مثبت زہم تمک۔ سی پیک نا رداٹ کے پی کے ٹی جوڑ کروک آ صنعتی زون تیان روزگار نا وارخواہی تیٹی ودکی مریک و صوبہ ٹی شونداری نا اسہ پوسکن ءُ دور اس بناکیک۔

Get real time updates directly on you device, subscribe now.

Leave A Reply

Your email address will not be published.