لاہور قلندرز ملتان سلطانز ئِ کٹسا سیمی فائنل اٹ سر مس

ملتان سلطانز لاہور قلندرز ئِ کٹنگ کن 187 رنز نا ٹارگٹ تسوسس، لاہور قلندرز و ملتان سلطانز نا نیام اٹ میچ قذافی اسٹیڈیم لاہور ات مسکہ۔ ملتان سلطانز نا کنڈآن ڈائی نا بنا ئِ معین علی و ذیشان اشرف کریر، ولے اوپنر معین علی بنا ٹی آوٹ مس او 5 بال آ بیرہ 1 رن جوڑ کرسا شاہین شاہ آفریدی نا بال آ آوٹ مس۔ ذیشان اشرف ہم جوان بیٹنگ کننگ کتو، او بیرہ 2 رنز جوڑ کرسا محمد حفیظ نا گواچی مس۔ وخت اس کہ ایلو گوازی گرک ہم جوان گوازی کننگ کتوس بیدس خوشدل خان آن او 29 بال آ 70 رنز جوڑ کرسا ناٹ آوٹ سلیس۔ ملتان سلطانز 20 اوور اٹ 6 وکٹ نا نسخان آ 186 رنز جوڑ کننگ کریر او قلندرز ئِ سرسہبی کن 187 رنز نا ٹارگٹ تننگا۔ لاہور قلندرز نا کیپٹن سہیل اختر ٹاس ئِ کٹسا اولیکو بولنگ نا فیصلہ ئِ کرے او سلطانز ئِ بیٹنگ نا سلاہ خلک۔ یاتی ملتان سلطانز و کراچی کنگز سیمی فائنل اٹ تینا جاگہ ئِ جوڑ کننگ اٹ سرسہب مسنو وخت اس کہ ایلو ارا ٹیم انا فیصلہ اینو آن مریک۔ لاہور قلندرز نا ٹیم ملتان سلطان ئِ 9 وکٹ اٹ کٹسا فائنل فور اٹ سرمس۔