پاکستانی کُن خور نا مَٹ اف‘کولن منرو
کراچی (مانیٹرنگ ڈیسک) پاکستان سپر لیگ (پی ایس ایل) فائیو اٹ در ملکی گوازی گرتے ہراڑے پاکستان نا مہمانداری وڑا تو ایلو کنڈآ پاکستان نا کُن خورک ہم اوفتے اُست ئِ دریر۔ پی ایس ایل نا ٹیم اسلام آباد یونائیٹڈ نا کیوی گوازی گر کولن منرو ہم پاکستانی کُن خور نا شیدائی اس پیش تما۔ او پاکستان اٹ تینا سال دے ئِ اڈ تس ہراڑے او پاکستان نا دیسی آ کُن خور تے آن بھاز مزہ ہلک۔ کولن منرو کراچی نا اسہ ہوٹل اسے ٹی تینا سال دے ئِ اڈ تس او دا بابت اٹ او ٹوئٹ کرسا تینا ٹیم و کراچی نا منتواری ئِ ہرفے۔ کیوی گوازی گر ٹوئٹ اٹ منتواری ہرفنگ آن پد دا ہم پارے کہ اودے پاکستانی کُن خور بھاز وڑانے، او تینا ٹوئٹ اٹ نوشتہ کرینے کہ ’پاکستانی کُن خور نا مَٹ اف‘۔ یات سلے کہ کورونا وائرس نا سوب آن پاکستان سپر لیگ نا میچ آتا شیڈول اٹ ہم بدلی کننگا وخت اس کہ پی سی بی فرنچائز اٹ اوار در ملکی گوازی گرتے اوفتا وطن تیا ہننگ نا موکل تسنے۔