پی ایس ایل اسلام آباد ٹائٹل نا گو آن پیش تما

کراچی (مانیٹرنگ ڈیسک) تدوک آ دے مروک آ میچ اٹ اسلام آباد یونائیٹڈ اولیکو گوازی کرسا کراچی کنگز ئِ 137 رنز نا ٹارگٹ تس۔ حوال نا رداٹ پاکستان سپر لیگ نا پنچمیکو پانچویں ایڈیشن نا 28 میکو میچ اٹ کراچی کنگز اسلام آباد یونائیٹڈ ئِ 4 وکٹ آتے بے سہب کرسا سیمی فائنل اٹ جاگہ جوڑ کرے، کراچی نا نیشنل اسٹیڈیم اٹ شیدائی تے آن بیدس مروک آ میچ اٹ کراچی کنگز ٹاس ئِ کٹنگ آن پد اولیکو فیلڈنگ نا فیصلہ کرے، اسلام آباد یونائیٹڈ نا ٹیم تینااہم انگا میچ اٹ اولیکو گوازی کرسا 20 اوور اٹ 6 وکٹ نا نسخان آ 136 رنز جوڑ کننگ کرے۔ کراچی کنگز 137 رنز نا ٹارگٹ ئِ 20 میکو اوور اٹ 6 وکٹ نا نسخان پورو کریر۔ اسلام آباد یونائیٹڈنا ڈائی نا بابت اٹ منہ ہیت دا ئُ، کہ او تینا اہم انگا میچ اٹ بھلو اسکور اس جوڑ کننگ اٹ بے سہب مس۔ کنگز انا کنڈ آن اولیکو بیٹنگ نا سلاہ غا اسلام آباد نا ڈائی نا بنا جوان سلتو۔ یونائیٹڈ نا اولیکو آوٹ مروک آ گوازی گر رضوان حسین ئس ہراکہ 35 نا اسکور آ 17 رنز جوڑ کرسا عمید آصف نا بال آ آو¿ٹ مس۔ اوکان پد فل سالٹ ہم 25 رنز جوڑ کرسا عماد وسیم نا گواچی مس۔ اوکان پد حسین طلعت آن بیدس ہچ ئُ وکٹ اس اُرے اسکان سلنگ کتو۔ حسین طلعت 37 رنز جوڑ کرسا آو¿ٹ مس۔ وخت اس کہ کیپٹن شاداب خان و کولن انگرام ہم 12 و 14 رنز جوڑ کننگ کریر۔ فہیم اشرف و ظفر گوہر ہم گڈیکو لمحہ غاتے ٹی ترندی ٹی اسکور کننگ اٹ بے سہب مسر۔ اوفک 12 و 13 رنز جوڑ کرسا ناٹ آوٹ سلیسر۔ کراچی کنگز نا کنڈآن عمید آصف، کرس جورڈن، عماد وسیم ، افتخار احمد و ارشد اقبال آسک اسہ اسہ وکٹ دوئی کریر۔
گڑاس معلومداری کراچی کنگز نا ڈائی نا بابت شرجیل خان ئِ مین آف دی میچ نا ایوارڈ تننگا، 137رنز نا پد اٹ کنگز نا اوپنر شرجیل خان و بابر اعظم ٹیم ئِ جوان ئُ بنا اس تسر، شرجیل خان 60 نا اسکور آ 14 بال آتے آ 37 رنز جوڑکرسا آو¿ٹ مسر، اونا ڈائی ٹی چار 4 و مسہ 6 اوار ئسر۔ 60 انا اسکور آ بابر اعظم ہم 19 رنز جوڑ کرسا محمد موسیٰ نا بال آ بولڈ مس۔ پدریسہ 2 وکٹ نا تمننگ آن پد کنگز نا ٹیم مچہ پریشر اٹ خننگا او اونا وکٹ آک تمسا کریر، کیپٹن عماد وسیم 34 بال آتے آ 26 رنز نا ڈائی اس گوازی کریر او ظفر گوہر نا گواچی مسر۔ 137 رنز نا ٹارگٹ ئِ 20 میکو اور اسکان چکسا عمید آصف گڈیکو شش بال آ 13 رنز جوڑ کرسا ٹیم ئِ تینا سرسہبی تس۔ کنگز نا ایلو گوازی گرتے ٹی کیمرون ڈیلپورٹ،والٹن و کرس جورڈن جتا جتا 11،11 و 6 رنز جوڑ کریر۔ اسلام آباد نا کنڈآن شاداب خان 2 وخت اس کہ محمد موسیٰ ، ظفر گوہر ، عاکف جاوید و رومان رئیس آسک اسہ اسہ وکٹ دوئی کریر۔ یات سلے کہ اسلام آباد یونائیٹڈ نا دا گڈیکو لیگ میچ ئس او اودے سیمی فائنل اٹ جاگہ جوڑ کننگ کن دا میچ ئِ کٹنگ المی ئس ولے بے سہبی آن پد اسلام آباد ٹائٹل نا گو آن پیش تما۔ وخت اس کہ کراچی کنگز سیمی فائنل اٹ جاگہ جوڑ کرے۔