خام تیل انا روسی جہاز پدی راہی، ایلو جہاز 4 دے آن پد سر مریک
Get real time updates directly on you device, subscribe now.
کراچی : روس آن خام تیل اتوک آ جہاز آن کراچی نابندرگاہ غا خام تیل انا ڈسچارجنگ نا عمل پورو مننگ آن پد جہاز پدی راہی مسنے‘ ارٹمیکو جہاز 4 دے آن پد رسینگک۔ پی ٹی نا انجینئر واجد حسین جنرل مینیجر انجینئرنگ میڈیا ءِ پارینے کہ جہاز آن روسی خام تیل انا آف لوڈنگ 12 جون انا سہب انا دَہ ونیم بجہ غا بنا کننگاسس‘ سَے شنبے نا سہب انا یانزدہ بجہ اسکان 27 ہزار ٹن خام تیل ڈسچارج کرسا اسٹوریج ٹینک آتے ٹی گدریفنگاسس۔ جنرل مینیجر انجینئرنگ پارینے کہ آف لوڈنگ نا عمل نا پی آر ایل نا لولہ غاتا کمک اٹ سرکننگ برجاءِ‘ مُدانا جوان مننگ آن پد ڈسچارجنگ نا عمل ناپورو مننگ آن پد بحری جہاز کراچی نا بندرگاہ غان کاہک۔ اومستی پارے کہ جہاز ءِ ساڑی موسمی بدلی نا حالیت آتا سوب آن رکھوک وڑ اٹ آئل جیٹی آ سلفنگانے‘ موسم ناخراب مننگ آ ہم جہاز نا رکھ انا بست وبند کننگانے‘ دا بابت کراچی پورٹ ٹرسٹ نا تعلقدار کمامدار آک میڈیا ءِ روسی خام تیل اتوک آ بحری جہاز پیور پوائنٹ و آئل پیر ٹو آ خام تیل گدریفنگ نا عمل نا جاچ ءِ ہم ہلفیر۔
(آن لائن)