چوہدری پرویز الٰہی نا 27 اپریل اسکان عبوری ضمانت منظور
Get real time updates directly on you device, subscribe now.
لاہور: لاہور نا انسداد رشوت ستانی نا خصوصی عدالت رشوت ہلنگ نا دوبہ ٹی نوشتہ مقدمہ ٹی مسکوہی وزیراعلیٰ پنجاب چوہدری پرویز الٰہی نا 27 اپریل اسکان عبوری ضمانت ءِ منظور کرے۔ عدالت پرویزالٰہی ءِ جاست وپاست اٹ اوار مننگ و اسہ لکھ روپئی ضمانتی مچلکہ داخل کرفنگ نا ہم پرمان کرے۔ عدالت اینٹی کرپشن کمامدار آتے چوہدری پرویزالٰہی نا دزگیری آن تورے و بروک آ سماعت آ مقدمہ ناریکارڈ ءِ بٹنگا۔ اینٹی کرپشن عدالت نا جج علی رضا چوہدری پرویز الٰہی نا دائر عبوری ضمانت درخواست آ بنائی سماعت کرے۔ جمعہ نادے آ چوہدری پرویز الٰہی تینا وکیل آتون انسداد رشوت ستانی نا خصوصی عدالت اٹ پیش مس و تینا برخلاف مقدمہ ٹی دزگیری نا گڑتی آ درخواست ءِ ضمانت دائر کرے ہراٹی پیدوار کننگاکہ مسکوہی وزیراعلیٰ پنجاب نا برخلاف بے بنداو مقدمہ نوشتہ کننگانے۔ خواست ءِ کہ ضمانت نا درخواست منظور کننگے۔ عدالت عبوری ضمانت منظور کرے۔ اینٹی کرپشن کمامدارآتا رداٹ لاہور ویسٹ مینجمنٹ کمپنی نا کمک اٹ اسہ درملکی کمپنی نا واجب الادا زر اِرا ارب نود کروڑ نا ادائیگی نا عوض مبینہ وڑاٹ دُوانزدہ ءُ نیم کروڑ روپئی رشوت ہلنگا و ہندا دوبہ ٹی چوہدری پرویز الٰہی تون اوار ایلو فتا برخلاف مقدمہ درج کننگانے۔
(اے پی پی)