پاکستان زرگزرانی بھسکاری نا زہم آن پیش تمنگ اٹی ءِ، مریم اورنگزیب
نن بسن تو ملک 49 ارب ڈالر نسخانی ئس، آئی ایم ایف پروگرام عمران حکومت نا وعدہ خلافی نا سوب آن سلیسوسس
Get real time updates directly on you device, subscribe now.
اسلام آباد : بنجائی وزیرحوالکاری مریم اورنگزیب پارینے کہ پاکستان زرگزرانی بھسکاری نا زہم آن پیش تمنگ اٹی ءِ‘ آئی ایم ایف پروگرام عمران حکومت نا وعدہ خلافی نا سوب آن معطل ئس‘ تینا بیان اٹ او پارے کہ اپریل 2022 اٹ حکومت ءِ سنبھالان تون آئی ایم ایف پروگرام عمران حکومت نا وعدہ خلافی نا سوب آن سلیسوسس و ملک دیوالیہ مننگ نادنگ آ ئس‘ وزیرحوالکاری پارے کہ مسکوہی حکومت ہنسا خزانہ کن سگ آن پیشن ءُ فیول سبسڈی تس ہرانا سوب آن قوم ءِ 100 ارب روپئی تُو انا نسخان سگوئی تما‘ تدوک آسال ننا امپورٹس 80 ارب و برآمد آک 31 ارب ڈالر ئسر‘ تاریخ نا کل آن بھلا 49 ارب ڈالر نا واپاری نسخان مون تروک ئس‘ او پارے کہ مسکوہی حکومت 17.5 ارب ڈالر نا کرنٹ اکاؤنٹ نسخان ترسا ہنا‘ حوالکاری وزیر پارے کہ اینو فیڈرل، ٹریڈ و کرنٹ اکاؤنٹ نسخان تتون اوار ملک انا زرگزرانی حالیت اٹ گچینی بننگ اٹی ءِ‘ بھلا زرگزرانی سختی تیان پد ہم نن نوکاک نا بھسکاری تتون مون تسن‘ زہمی تا کمک ءِ کرین‘ بے نظیر انکم سپورٹ پروگرام نا پیسہ غاتے ودفنگانے‘ اوپارے کہ غریب خاہوت آتے مفت نت تننگ انگ ءِ تاکہ اوفتے کبینی آن ریلیف رسینگ کے۔
(آن لائن)