قلات‘ طالبعلم آتا آخبت نا جوانی استاد آتا کڑد اتون گنڈوک ءِ‘ منیر درانی
Get real time updates directly on you device, subscribe now.
قلات: ڈپٹی کمشنر قلات منیر احمد درانی نا کماشی ٹی ڈسٹرکٹ ایجوکیشن گروپ نا توہی دیوان اڈ ہلک۔ دیوان اٹ ایڈیشنل ڈپٹی کمشنر قلات فدا بلوچ ڈسٹرکٹ ایجوکیشن آفیسر قلات عزیزالرحمان رند ڈسٹرکٹ آفیسر ایجوکیشن قلات نثار احمد نورزئی ڈپٹی ڈسٹرکٹ ایجوکیشن آفیسر قلات عبدالرشید لانگو اسسٹنٹ ڈسٹرکٹ ایجوکیشن آفیسر منگچر غلام فاروق مینگل ڈسٹرکٹ اکاونٹس آفیسر علی اصغر آرٹی ایس ایم شاہنواز یونیسف نا سجاد نور سلیم بابر و ایلوفک بشخ ہلکر۔ دیوان اٹ تعلیم نا بشخ اتون گنڈوک ویل آتیا ہیت وگپ کننگا۔ محکمہ تعلیم نا کماش آک ڈپٹی کمشنر ءِ استاد آتا غیر حاضری اسکول آتیٹی استاد آتا کمتی بند سکول آتا فحالی اساتذہ کرام آتا ٹرانسفر پوسٹنگ و اٹیچمنٹس نا بابت جوان بریفنگ تس۔ ڈپٹی کمشنر پارینے کہ استاد آک اسکول آتیٹی تینا حاضری تے پک کیر۔ طالبعلم آتا آخبت ءِ جوان کننگ کن استاد آک جوان کڑد ادا کیر۔ طالبعلم آک ننا آخبت ءُ۔
(آن لائن)