قلات‘ نائب تحصیلدار حاجی عبدالغفار لہڑی نا اڑزان بازار نا دورہ

قلات: قلات اٹ نائب تحصیلدار قلات حاجی عبدالغفار لہڑی نا قلات اڑزان بازار نا دورہ، اڑزان بازار اٹ کن خور نا گڑاتا نہاد و آب انا جاچ ءِ ہلک۔ حوال نا رداٹ انجمن تاجران نا کمک اٹ ضلعی انتظامیہ قلات رمضان المبارک اٹ اُلس ءِ ریلیف تننگ کن اڑزان بازار اس اڈ تسنے۔ و ہڑدے نا بنداو آ پرائس کنٹرول کمیٹی دورہ کرسا اڑزان بازار نا نگرانی ءِ کننگ اٹی ءِ۔ اینو نائب تحصیلدار قلات حاجی عبدالغفار لہڑی اڑزان بازار نا دورہ ءِ کرے و اڑزان بازار اٹ دوئی آ ککڑ نا سو، نت، سی، بورہ، برنج، دال، سوزی و ایلو کن خور نا گڑاتا نہاد و آب ءِ چیک کرے۔ دورہ نا وخت آ ریڈر اسسٹنٹ کمشنر آفس بابو ثنا اللہ محمد حسنی انجمن تاجران نا صدر میرمنیر احمد شاہوانی آغا صالح شاہ ڈاکٹر نند لال ہم اوڑتون اوار ئس۔

(آن لائن)