بلوچستان اسمبلی نا دیوان اینو مریک
Get real time updates directly on you device, subscribe now.
کوئٹہ( آن لائن )بلوچستان اسمبلی نا دیوان اینو 4بجہ غا مریک۔ تدوک آ دے اسپیکر بلوچستان اسمبلی میر عبدالقدوس بزنجو نا کنڈآن صوبائی اسمبلی نا 18 باسک آتا کنڈآن جمع کروک آ ریکوزیشن آ صوبائی اسمبلی نا دیوان 14جولائی آ بٹنگاسُس۔ اسمبلی دیوان اینو 4بجہ غا مریک، ریکوزیشن دیوان اٹ صوبہ ٹی ملخ نا جلہو، بجلی نا مرغن انگا لوڈشیڈنگ، بقایاجات آتیا کنکشن آتا کاٹ کننگ، جعلی آ دارو تا توننگ و بہا و کُن خور نا گڑاتا بہا تیا کنٹرول، غیر کانودی وڑاٹ کشاری گڑاتا گریزی، سیندک نا لیز اٹ 15سالہ ودکی، بلوچستان نا محکمہ معدنیات نا قاعدہ و کانود نا برخلاف تننگ تون اوار پی ایس ڈی پی 2020-21 ٹی من پسند و بیدس گچین آ بندغ آتے خوش کننگ و اپوزیشن حلقہ غاتے شونداری اسکیم تیان زہمی کننگ آ بحث کرفنگ نا خواست کننگاسُس۔