کشمیر نا شہید آتا قربانیک زیان مفسہ، صدر عارف علوی

اسلام آباد (اے پی پی) صدر مملکت ڈاکٹر عارف علوی پارینے کہ اینو نادے 13 جولائی 1931آ 22کشمیری شہیدی نا جام ءِ نوش کریر، ہمودے مُر اف ہراتم کشمیر نا آجوئی نا دے دے ٹک ایتک۔ دوشنبے نادے آ یوم شہداءکشمیر نا وخت آ تینا خصوصی کلہواٹی صدر مملکت ڈاکٹر عارف علوی پارے کہ ڈوگرہ راج و داسہ بھارت نا غاصبانہ کوزہ نا برخلاف کشمیری تا جہد ءِ سلام پیش کینہ۔ شہید آتا قربانیک زیان مفسہ، ہمودے مُراف ہراتم کشمیر نا آجوئی نا دے دے ٹک ایتک، مقبوضہ کشمیر اٹی اینو ہم کشمیریک تینا حق خودارادیت کن تینا جان تے ندر کننگ ءُ۔ اوپارے کہ پاکستان کشمیری تا اخلاقی، سیاسی و سفارتی مخ تفی ءِ برجاتخک، کشمیریک تدوک آ سال انا 5 اگست آن بھارتی فوج انا دوٹی ءُ۔ اوپارے کہ جہانی برادری نا کشمیراٹی بھارتی ظلم آ چُپ مننگ است ہسونی نا سوب ءِ، جہانی برادری مقبوضہ کشمیر اٹی بھارتی بربریت و بنداوی انسانی حق انا خلاف ورزی تے تورفنگ کن کڑد اداکے۔