بلوچستان ءِ پیسہ نا گرج ءِ، وزیراعظم نا 32ارب ہرانگ ہنار، صادق سنجرانی
چیئرمین سینیٹ نا کماشی ٹی بلوچستان نا ویل آتا بابت خصوصی کمیٹی نا دیوان، بلوچستان حکومت ءِ 12 ارب روپئی تننگ نا پارت
Get real time updates directly on you device, subscribe now.
اسلام آباد : چیئرمین سینٹ صادق سنجرانی ناکماشی ٹی بلوچستان ناویل آتا بابت خصوصی کمیٹی نا دیوان اڈہلک‘ بنجائی وزیر خزانہ اسحاق ڈار پی پی ایل نارد اٹ بلوچستان حکومت ءِ دمدستی 12ارب روپئی تننگ نا پرمان کرے‘ چیئرمین سینٹ پارے کہ بلوچستان حکومت ءِ پیسہ نا گرج ءِ‘ وزیراعظم 32ارب روپئی تننگ ناپرمان کرے اونا انت مس۔ سیکرٹری پٹرولیم پارے کہ بنجائی حکومت بلوچستان حکومت ءِ پی پی ایل نا رد اٹ 46ارب روپئی تروئی ئس‘ بلوچستان حکومت ءِ دا وخت اسکان 37ارب روپئی تننگانے‘ بنجائی حکومت بلوچستان حکومت ءِ گیس لیز توسیع معاہدہ نا رد اٹ 37 ارب روپئی پین تروئی ءِ۔ سیکرٹری پٹرولیم پارے کہ بلوچستان حکومت سوئی گیس نا بابت پی پی ایل معاہدہ غا دستخط کرے‘ بلوچستان حکومت نا دستخط آن پی پی ایل معاہدہ نا پیسہ تننگ کانودی مریک۔ بلوچستان حکومت ءِ 6ارب سہ ماہی زرتس تننگک‘ نن بلوچستان ءِ 10 ارب سہ ماہی ایتنہ۔
(آن لائن)