ریلوائی و بندرگاہ تا کمک اٹ ایلو ملک آتتون واپار نا سجفینن، وزیراعظم

پاکستان ریلوائی نا بحالی کن حکومت اولیتی بنداوتیا گام گیج کننگ اٹی ءِ،ایم ایل۔1 پاکستان ریلوائی نا نظام کن تمبہ اسے، جاچ دیوان آن تران

0

Get real time updates directly on you device, subscribe now.

اسلام آباد: وزیراعظم محمد شہباز شریف ریلوائی مین لائن ون نا اپ گریڈیشن نا کاریم اولیتی بنداو تیا کننگ نا پارت کرسا پارینے کہ ایم ایل۔1 پاکستان ریلوائی نا نظام کن تمبہ نا حیثیت تخک، پاکستان آخبت اٹ تینا ریلوائی نظام و بندرگاہ تا کمک اٹ ڈیہہ نا ایلو ملک آتیکن اہم واپاری راہداری فراوان کیک، پاکستان ریلوائی نا بحالی کن حکومت اولیتی بنداوتیا گام گیج کننگ اٹی ءِ۔ وزیراعظم آفس نا میڈیا ونگ آن جاری پریس ریلیز نا رداٹ سے شنبے نادے آ وزیراعظم محمد شہباز شریف نا کماشی ٹی پاکستان ریلوائی ٹی اصلاحات و مین لائن ون نا اپ گریڈیشن آ جاچ دیوان اڈ ہلک۔ دیوان اٹی بنجائی وزیر اسحاق ڈار، سید نوید قمر، خواجہ سعد رفیق و تعلقدار بڑزکوکمامدارآک بشخ ہلکر۔ دیوان ءِ ریلوائی ٹی برجا اصلاحات و ڈیجیٹلائزیشن نا بابت معلومدار کننگا۔ دیوان ءِ پاننگاکہ تدوک آ سال بھسکار نوکاپ آن پد ریلوائی ہلہلہ ئی بنداوتیا تینا آپریشن تے بحال کرے۔ داوخت آ ریلوائی نا ڈیجیٹلائزیشن آ کاریم برجاءِ۔ داکان بیدس ریلوائی ٹکٹنگ نا نظام ءِ ہم پورو وڑاٹ ڈیجیٹلائز کننگانے۔ دیوان ءِ مین لائن ون (ایم ایل۔1) اپ گریڈیشن ڈٹ آ پیش رفت خاص وڑاٹ ڈٹ انا چندی آپشن و ریسہ غاتا بابت ہم معلومدار کننگا۔ وزیراعظم پارے کہ پاکستان آخبت اٹ تینا ریلوائی نظام و بندرگاہ تا کمک اٹ ڈیہہ نا ایلو ملک آتیکن اہم واپاری راہداری فراوان کیک، پاکستان ریلوائی نا بحالی کن حکومت اولیتی بنداوتیا گام گیج کننگ اٹی ءِ، مسلم لیگ ن نا دور اٹی جوڑ کروک موٹرویز، پبلک ٹرانسپورٹ، جان جوڑی و تعلیم نا ڈٹ آتیان الس فائدہ ہرفنگ ءِ، پاکستان ریلوائی نا ٹیم نا نوکاپ آن پد تینا آپریشن تا دمدستی بحالی کن کوشست ستاکڑزک۔ داکان بیدس وزیراعظم محمد شہباز شریف پارینے کہ بروک آ مالی سال انا بجٹ صنعت، کشت وکشار، آئی ٹی، توانائی نا بشخ آتیٹی ترندی اٹ شونداری و زرگزرانی سوگوی نا بجٹ ءِ، ورناک ملک انا آخبت آک ءُ، و ورناتا آخبت ءِ جوڑ کننگ ہروارآنبار کنا اولیت ءِ۔ سے شنبے نادے آ وزیراعظم آفس نا میڈیا ونگ آن جاری بیان نا رداٹ وزیراعظم شہباز شریف اسہ بیان اسے ٹی پارے کہ بجٹ 2023-24ورناتا شونداری کاروبار و روزگار نا تاریخی بجٹ ءِ، مایوسی تے چٹفنگ، ملک و قوم انا شونداری و شونہالی آن پوسکن آ پت و اومیت بحال ءِ کروئی مریک، بروک ا ٓمالی سال پاکستان و الس نا کٹیا ءِ ودفنگ نا سال جوڑ مریک۔ شہباز شریف پارے کہ بروک آ مالی سال انا بجٹ صنعت، کشت وکشار، آئی ٹی، توانائی نا بشخ آتیٹی ترندی اٹ شونداری و زرگزرانی سوگوی نا بجٹ ءِ، ورناتے رزگار خواہنگ نا جاگہ غا روزگار تروک آکاروباری جوڑ کننگ نا وارخواہی اوار ءِ۔ ورناک ملک انا آخبت ءُ وورناتا آخبت ءِ جوڑ کننگ ہروارآنبار کنا اولیت ءِ، آئی ٹی، کشت وکشار، صنعت اٹی کاروبار نا بناآن ورناتے پاکستان ناشونداری نا جوڑ کروک کروئی ءِ۔ وزیراعظم پارے کہ ورناتے اسہ لکھ لیپ ٹاپ، چنکو ورعایتی وام تننگ اُن، ورناتا است بڈی ءِ کننگ کن بجٹ اٹ آئی ٹی کاروبار اٹی خراج ءِ اِلانن، 2 ہزار ارب روپئی آن زیات بزغر پیکج آن کشت وکشار و بزغر آتا گچینی نا سفر پین ترند مریک۔ اوپارے کہ بجٹ 2023-24نا کمک اٹ کشاری بشخ اکن آسودہی تے برجاتخنہ۔ داگام گیج آتیان غذائی رکھ دوئی مریک، ورناتے کشاری شونداری ٹی حصہ دار جوڑ کننگ اُن۔ کشاری و کاروباری وام تیان بزغر، ورنا و پاکستان شونہال مریرہ۔

(اے پی پی)

Get real time updates directly on you device, subscribe now.

Leave A Reply

Your email address will not be published.