مہمند، داسو و بھاشا ڈیم ملک انا تقدیر ءِ بدل کننگ کیرہ، سید خورشید احمد شاہ

اسلام آباد: بنجائی وزیر آبی وسیلہ سید خورشید احمد شاہ پارینے کہ مہمند، داسو و بھاشا ڈیم تا تفنگ ءِ قومی اولیت جوڑ کننگے تو ننتون تینا ہنداخہ دولت بریک کہ پین اسے نا کنڈا ہُننگ نا گرج محسوس مفک، ننے تینا وسیلہ غاتے کاریم اٹ اتوئی مریک۔ کشت وکشار آ چکار کننگے تو داڑے کس اس لنگڑ خاچپ، سرکاری ملازم آتا تنخواہ تیٹی ودکی بھاز جوان ءُ گام اسے، غریب نا غریبی ءِ مر کننگ آن ہی زرگزران گچین مریک، دعا ءِ کہ ملک اٹی وخت آگچین کاری مرے، داڑے حقی جمہوریت مریک تو ملک ءِ ہچ ءُ خطرہ اس سلپک۔ سے شنبے نادے آ قومی اسمبلی ٹی بجٹ 2023-24آ شرہ ٹی بشخ ہلسا بنجائی وزیر آبی وسیلہ سید خورشید احمد شاہ پارے کہ غیر یقینی سیاسی حالیت، روپئی نا مقابلہ ٹی ڈالر نا قدر اٹی ودکی، زرگزران نا زبوں حالی و آئی ایم ایف نا شڑت آتے ہُننگے تو دا حالیت آتیٹی بجٹ ءِ پیش کننگ بھاز مشکل ءُ کاریم اسے، بھلو ڈکھیائی نا ہیت اسیکہ دا ایوان نا باسک آک و وزیر آتا گیشتری داڑے ساڑی اف، مخلوق نا ننے آن اومیت آک ءُ، دا ایوان نا کمک اٹ الس نا بجٹ اٹ اوار مننگ بھاز المی ءِ۔

(اے پی پی)