کوئٹہ، کولانا کانڑ اٹی اختہ 2 کانڑ کن تے 41 دے آن پدہم کشنگتنے

کوئٹہ: بلوچستان نا ضلع دکی ٹی کولاکانڑ اٹی اختہ 2 کانڑ کن تے 41 دے آن پد ہم کشنگتنے، ضلعی انتظامیہ و امدادی ٹیمک داسکان ریسکیو آپریشن اٹی اختہ ءُ۔ لیویزحوالی نا رداٹ ضلع دکی نا ہندی کانڑ اٹی پِر انا دیر پترینگ انگ نا سوب آن کانڑ اٹی کاریم کروک آ 2 مزور اختہ مسر ہرافتے کشنگ کن امدادی کارروائی 41 می دے آ ہم برجاءِ وخت اس کہ کولاکانڑ اٹی دِیر پُرمننگ نا سوب آن ریسکیو نا عمل سست روی نا گواچی ءِ۔ لیویز کمامدارآتا پاننگ ءِ کہ ضلعی انتظامیہ ہندی کولاکا نڑ انا مالک آتون اواری اٹ کانڑ کن تے کشنگ کن امدادی کاریم تیٹی بشخ ہلنگ اٹی ءِ ولے داتم اسکان اوفتے کشنگ تنے و اختہ مروک کانڑ کن تا زندہ کشنگ نااومیت کم مننگ ءِ، ایلو کنڈا پاکستان سینٹرل مائنز لیبر فیڈریشن نا سیکرٹری جنرل لالا سلطان نا پاننگ ءِ کہ ہڑتوم آمزور آتا تعلق بلوچستان نا قلعہ سیف اللہ غان ءِ۔ اوہڑدے کانڑآتیٹی شکست آتیٹی ودکی آ گڑتی نا درشانی ءِ کرسا پارے کہ حکومت ءِ مرے کہ او مالک آتے داوڑنا واقعہ غاتا توننگ کن پبی گام گیج کننگ نا پابند کے۔ اوحکومت آن خواست کرے کہ کانڑ کن تا لاش آتے کشنگ کن غٹ وسیلہ غاتے کاریم اٹ اتنگے۔

(اے پی پی)