بلوچستان نا کرکی علاقہ غاتیٹی سوردریابی طوفان نا خطرہ، الرٹ جاری

کوئٹہ : وزیراعلیٰ بلوچستان میر عبدالقدوس بزنجو بلوچستان نا کرکی علاقہ غاتے سور دریابی طوفان بائپر جوائے ناسوب آن کل تعلقدار ادارہ غاتے ہائی الرٹ مننگ وکرکی پٹی آ دفعہ 144 نافذ کرسا کمشنر مکران و کمشنر قلات ڈویژن ءِ سوردریابی طوفان نا چیلنج آتتون مون تننگ نا گام گیج آتا چاروکی ءِ کننگ نا پرمان کرینے‘ کرکی پٹی آ ہائی الرٹ نارد اٹ کل تعلقدار محکمہ غاتا ملازم آتا چھٹی تے منسوخ کرسا ہسپتال آتے ہائی الرٹ مننگ نا پرمان جاری کننگانے۔ وزیراعلیٰ پرمان کرینے کہ کانودنافذ کروک ادارہ‘ سول انتظامیہ و کل تعلقدار ادارہ غاتے کوآرڈینیشن ٹہیفنگے‘ ماہی گیرک سوردریاب ءِ کل آن جوان چارہ دا بابت اوفتتون سلابت کننگے۔ وزیراعلیٰ ءِ ڈی جی پی ڈی ایم اے گمانی حالیت آتا رد اٹ کمکی سرجز آتا تیاری تیا بریفنگ ترساپاننگانے کہ پی ڈی ایم اے تینا ٹیم مشینری و کمکی گڑاتا تتون اوار گوادر اٹ ساڑی ءِ۔ وزیراعلیٰ پرمان کرے کہ حالیت آتا چاروکی ءِ کرسا ہمو وڑ اٹ لائحہ عمل جوڑ کننگے و سوردریابی طوفان اٹ ہر وڑ انا ہلہلہ ئی حالیت آتتون گچین وڑ اٹ مون تننگ کن تیاری تے پورو کننگے۔داکان بیدس ترجمان وزیراعلیٰ بابر خان یوسف زئی پارینے کہ سمندری طوفان بائپر نا رداٹ بلوچستان اٹی کرکی علاقہ غاتیٹی الرٹ جاری کرینو۔ اودوشنبے نادے آ ”اے پی پی“ تون خصوصی گپ وتران کرسا پارے کہ وزیراعلیٰ بلوچستان میر عبدالقدوس بزنجو نئے بیرہ حالیت آتے مانیٹر کننگ ءِ بلکن کمشنر قلات، کمشنر مکران تون اوار بڑزکو کمامدارآتے حالیت آتا چاروکی نا پارت کرینے۔ اوپارے کہ پی ڈی ایم نا مشینری تے گوادر آ سرکننگاڈی جی پی ڈی ایم ہم داوخت آ گوادر اٹی ساڑی ءِ۔ ترجمان وزیراعلیٰ بابر خان یوسف زئی پارے کہ وزیراعلیٰ بلوچستان پارت کرینے کہ دا باندات آ ماہی گیر آتون سلابت کرسا لائحہ عمل اس جوڑ کننگے الس نا جان و مال انا زمواری حکومت نا ءِ بلوچستان حکومت ہر وڑنا خطرہ غاتون مون تننگ کن الرٹ ءِ ہراممکن ءِ الس ءِ ریلیف فراوان کننگک وخت اس کہ چیئرمین گوادر پورٹ پسند بلیدی نا پاننگ ئس کہ صوبائی حکومت و ضلعی انتظامیہ تون اواری اٹ کاریم کننگ اُن ہراپرمان حکومت نا کنڈآن ملک اوڑاعملدرآمد کننگک، ایلو کنڈا بلوچستان حکومت سمندری طوفان، بائپر نارداٹ ہفدہ جون اسکان سمندر آہِننگ آن مخلوق ءِ منع کننگا و ہروڑنا سیل و سوات آ پابندی خلنگانے۔

(آن لائن/اے پی پی)