اُلس نا آسراتی کن دے و نن کاریم کننگ اُن‘ ڈی سی کوئٹہ
کوئٹہ :صوبائی اسمبلی نا باسک مبین خلجی تدوک آ دے ڈپٹی کمشنر کوئٹہ شہک بلوچ تون اونا دفتر اٹ اوڑدہی کرے۔ او وخت آ او کوئٹہ شار انا ویل آتا ایسری نا بابت اٹ گام گیج، دیر گیس و بجلی نا بابت اٹ اُلسی ویل آتا ایسری کن گام گیج کننگ آ زور شاغا۔ اوڑدہی ٹی تدوک آ دے کوئٹہ ٹی پی ایس ایل نا نمائشتی میچ اٹ سیکورٹی و ایلو انتظام آتا جوان کننگ اٹ انتظامیہ نا کڑد انا ستا ءِ کرے۔ صوبائی اسمبلی نا باسک مبین خلجی نا پاننگ ئس کہ ضلعی انتظامیہ اُلسی ویل آتا ایسری کن ہر وڑ نا گام گیج کننگ اٹی ءِ۔ شار اٹ گرانفروشی و تجاوزات آتون اوار ایلو ویل آتیا انتظامیہ کاریم کننگ اٹی ءِ۔ ہراڑان اُلس ءِ ریلیف رسینگ انگ اٹی ءِ۔ او وخت آ ڈپٹی کمشنر کوئٹہ شہک بلوچ پارینے کہ ضلعی انتظامیہ ہر سخت انگا ساعت اٹ اُلس تون اوار ءِ۔ پر، نُت انا کاختی، نمائشتی میچ اتون اوار ایلو ویل آتیا انتظامیہ جوان گام گیج کننگ اٹی ءِ۔ او پارینے کہ شار اٹ گرانفروش و تجاوزات آتا خلاف ہڑدے نا بنداو آ کارروائی کننگ انگ ءِ۔ وخت اس کہ ہڑزان نُت پوائنٹ آتا نگرانی ءِ کننگ اٹی اُن۔ ہراڑے افسرک ہم ساڑی ءُ۔ او پارینے کہ اُلسی ریلیف کن ضلعی انتظامیہ دے و نن گام گیج کننگ اٹی ءِ۔
(خ ن)