امن و ایمنی نابابت پولیس نا کارکڑد ستا کڑزک‘ حاجی مٹھا خان

0

Get real time updates directly on you device, subscribe now.

ژوب : صوبائی سلاہکار اطلاعات حاجی مٹھاا خان کاکڑ ژوب ڈویژن ہیڈکوارٹر اٹ اڈ ہلوک دیوان اٹ بشخ ہلک۔ دیوان اٹ کمشنر ژوب ڈویژن سعید احمد عمرانی، ڈی آئی جی پولیس قمر الزمان، ڈپٹی کمشنر ژوب محمد رمضان پلال، ایس پی خلیل الرحمان کاکڑ، ایس پی شیرانی و پی ایس خدایداد خان کاکڑ ہم بشخندار ئس۔ دیوان اٹ امن و ایمنی، ژوب شار اکن پوسکن ءُ پولیس اسٹیشن اسے نا منظوری و ڈویژنل کمپلیکس نا بابت جوان ہیت مس۔ ڈی آئی جی پولیس پارینے کہ پولیس منشیات و دزی نا واردات آتا توننگ و امن وایمنی کن گام گیج کننگ اٹی ءِ۔ حاجی مٹھا خان کاکڑ دیوان اٹ تینا خیال آتا درشانی ءِ کرسا پارینے کہ کل محکمہ غاتے تینا کارکڑد ءِ پین جوانی کروئی تمک۔ او پارینے کہ ژوب اکن پوسکن ءُ پولیس اسٹیشن اسے نا منظوری کن مالو ہم آئی جی پولیس تون اوڑدہی مسنے۔

(خ ن)

Get real time updates directly on you device, subscribe now.

Leave A Reply

Your email address will not be published.