ڈیرہ مراد جمالی‘ کن خور نا گڑاتیٹی اوار سوار کروک آتا برخلاف کارروائی کننگک‘ اسد سمالانی

0

Get real time updates directly on you device, subscribe now.

نصیر آباد:  ڈپٹی کمشنر نصیرآباد عائشہ زہری نا پارت آتیا اسسٹنٹ کمشنر ڈیرہ مراد جمالی اسداللہ سمالانی و تحصیلدار مجیب الرحمٰن ساتکزئی نا اناج منڈی ٹی خولم و دال آتیٹی مش و ژل انا مکس کننگ نا برخلاف کارروائی کننگا۔ دکان تے سیل کرسا اختہ انگا بندغ آتے دزگیر کریر۔ کاروائی ءِ ڈکھوئی تروک آ ڈس آ کروک آ اسسٹنٹ کمشنر ڈیرہ مراد جمالی اسداللہ سمالانی و تحصیلدار مجیب الرحمن ثاقب زئی اناج منڈی ڈیرہ مراد جمالی ٹی ڈکھوئی وڑاٹ کارروائی کرسا چانڑی کروک آ مٹی ژل و اوار کروک آ غلہ غاتا کیہی گونی تے کوزہ ٹی ہلسا دکاندار تے دزگیر کریر۔ ٹریکٹر ٹرالی کوزہ تی ہلسا دکان تے دیل کننگا۔ او پارینے کہ دا کاریم اٹ اختہ انگا بندغ آک ہچ ءُ رعایت اسے نا حقدار افس۔ ہرا تینا گڑاس پیسہ غاتا عوض اٹ اُلس ءِ ژل و مش آن پُر ءُ خولم و پین گڑا فروٹ کننگ انگ ءِ۔ اوفتا سوب آن اُلس ءِ کیہی ویل آک مون تروک ءُ۔ او پارینے کہ اسہ خاص ءُ جاگہ اسے آ مش تے چانڑی کننگ آن پد خولم و ایلو گڑاتے مکس کننگک۔ تانکہ اوفتا وزن اٹ ودکی مف دافتے معاف کننگپک۔

(خ ن)

Get real time updates directly on you device, subscribe now.

Leave A Reply

Your email address will not be published.