چینی صدر نا دورہ پاکستان منسوخ متنے
Get real time updates directly on you device, subscribe now.
بیجنگ(آن لائن) چینی صدرشی جن پنگ نا دورہ پاکستان منسوخ متنے۔ چینی صدر نا دورہ پاکستان یخ انا مُد اٹ پک کننگ انگ ءِ، سفارتی کمامدار آتا رداٹ چینی سفیر کورونا نا سوب آن مئی و جون اٹ دورہ ءِ ملتوی کننگ نا ہیت ءِ کریسُس۔ چینی صدر نا پاکستان نا دورہ نا تاریخ آتا پک کننگ کن پاک چین سفارتی رابطہ برجا ءِ۔ داکان مست پاننگانے کہ کورونا وائرس نا سوب آن چینی صدر شی جن پنگ نا دورہ پاکستان ءِ ری شیڈول کننگانے۔ او اینخو پاکستان نا دورہ ءِ کروئی ئس۔ پاکستان اٹ تعینات چینی سفیر یا جنگ میڈیا تون ہیت وگپ کرسا پارے کہ صدر شی جن پنگ نا دورہ پاکستان ری شیڈول کننگانے۔ او ہندا سال اٹ پاکستان نا دورہ ءِ کریکہ ہرادے کووڈ 19 نا سوب آن کینسل کروئی تما۔ چینی سفیر یا جنگ پارینے کہ ہڑتوم آ حکومت آک صدر شی جن پنگ نا دورہ پاکستان نا پُوسکن آ تاریخ آ کاریم کننگ اٹی ءُ۔ وزیراعظم عمران خان تینا دورہ چین اٹی چینی صدر ءِ دورہ نا سلا خلکوسُس۔ دورہ نا بابت اٹ پُوسکن آ تاریخ نا زوت اس پڑو کننگک۔