7 تُو آن بند اسکول آتے ملنگ جوان ءُ کاریم اسے، سردار یار محمد رند
Get real time updates directly on you device, subscribe now.
مچھ(آن لائن)مچھ انسانی حق آتا مچھ انا چیئرمین محمد عامر یوسفزئی صوبائی وزیر تعلیم سردار یار محمد رند آن خواست کرینے کہ 7 تو آن بند انگا اسکول آتے ملنگ اسہ جوان ءُ کاریم اسے ولے اسکول آتا بندی آن تعلیم ءِ بھلو نسخان اس رسینگا، ہرانا پوروی ناممکن ءِ ولے مچ آ بلوچستان اٹ پرائیویٹ سکول آتیٹی ہندا دے تیٹی فیس دوئی کننگ بیرہ تعلیم ءِ بہا و کاروبار جوڑ کننگ و علم دشمنی نا وڑاٹ ءِ، غریب و مزدور تپہ غاتا چُناتے فیس انا پن آ تعلیم آن مُر تخنگ نا سازش اسے، ہرانا اخس مذمت ءِ کننگے ولدا ہم کم ءِ مچ آ پاکستان نا وڑ ستمبر نا بننگ تون اوار مچ آ بلوچستان اٹ سرکاری و غیر سرکاری تعلیمی ادارہ غاتا رونق آک مست آمبار بحال مننگ آ نظر بننگ اٹی ءُ، بیرہ دا رونق آک خاص ءُ تپہ اسے کن تو مننگ کیرہ ولے پرائیویٹ اسکول آتا ملک آتا دا پرمان نامہ غان غریب لمہ باوہ غاتا تُغک حرام مسنو، پرائیویٹ اسکول آتا مالک آک ہفت تو انا فیس آتا داخلہ نا پن آ ہلنگ نا پرمان تیان غریب و مزور آ لمہ باوہ غاک بھاز آ ویل آتا گواچینی ءُ۔