چمن سیم انا بند مننگ آن بیروزگار مروک آتے 20 ہزار تُو انا تننگ نا سلاہ

0

Get real time updates directly on you device, subscribe now.

چمن(خ ن) پاک اوغان سیم نا بندی نا بابت اٹ وزیراعلی بلوچستان نا بڑزکو کہولی ڈل اس چمن ءِ سر مس، ڈل اٹ صوبائی وزیر داخلہ میرضیاء اللہ لانگو،  اصغر خان اچکزئی،  نورمحمد دمڑ و  مبین خلجی اوار ئسر، مذاکراتی کمیٹی پاک اوغان بارڈر آ تُو اسے آن برجا انگا دھرنا نا کمیٹی آن سلاہ ہلکر و چمن سیم نا بندی آن ودی مروک آ حالیت و مستقل بنداو آ ایسر کننگ نا بابت ویل آتیا ہیت وگپ کریر، حکومت نمائندہ غاتا کنڈآن دھرنا نا بشخندار آتیکن احساس پروگرام نا رداٹ ہر تو آ 20 ہزار روپئی تننگ نا آفر ہم کننگا وزیر اعلیٰ بلوچستان جام کمال نا پارت آ صوبائی وزیرک میر ضیاء اللہ لانگو حاجی نور محمد دمڑ، اصغر خان اچکزئی،مبین خلجی، پاک اوغان بارڈر نا بندی نا جاچ ءِ ہلنگ کن چمن نا باتی تیان تران کرسا پارینے کہ پاکستان اٹ روزگار نا بھاز آ ویل آک ءُ، منہ ویل ءِ اُلس وخت اسکہ بھاز آ ویل آک سرکار و سیکورٹی فورس آتے ایسر کروئی ءِ، سرکاری کمائی ٹی کورونا نا سوب آن کمتی بسنے۔ احساس پروگرام نا بابت ہندی مخلوق تون ملسا معاملہ غاتے طے کننگک ولے پوریا کروک آ تپہ نا ویل آتے ہم مون آ تخوئی ءِ۔ احساس پروگرام نا پیسہ غاتے دا مد اٹ یوٹیلائز کروئی ءِ نہ کہ خیرات یا او فکس 12000 ہزار والا روپئی ءُ ہراڑے بے روزگاری ءِ چٹفوئی ءِ تو ملکی سلامتی و امن و ایمنی نا حالیت آتے مون آ تخوئی ءِ۔ دہشت گردی و تخریب کاری ءِ توننگ کن سلاہ تا خواست کورونا نا سوب آن کل ملک و سیمی علاقہ غاک زہمی مسر۔ چمن شار اسہ قدرتی ءُ وادی اسے ہراڑان آسانی ٹی کورڈن اپ کننگک۔ نن دا خواپنہ کہ نن تینا اُلس کن ویل ودی کین ولے سیکیورٹی معاملہ غاتیا ہم کمپرومائز کننگ کپنہ۔

Get real time updates directly on you device, subscribe now.

Leave A Reply

Your email address will not be published.