صوبائی وتواجہی نا نفاذ کن گیگ ءِ کچ اٹ کننگ انگ ءِ، بلاول بھٹو زرداری

کراچی (آن لائن)پاکستان چیئرمین پیپلزپارٹی بلاول بھٹو زرداری 5 جولائی نا بابت اٹ تینا کلہو اسے ٹی پارینے کہ 5 جولائی 1977 پاکستان نا تاریخ نا کل آن تہارمہ انگا دے ءِ۔ 5 جولائی آ گچین مروک آ حکومت و مالو نا گچین آ وزیراعظم ءِ اینگ کننگا۔ آئین ءِ معطل، جمہوریت ءِ کُورنگا۔ پیپلزپارٹی آئین وجمہوریت کن بے کچ قربانی تسنے و ترسا کیک۔ ولے جمہوریت داسکان کن سوگو اف۔ قوم اینو بینظیربھٹو نا کماشی نا کمتی ءِ محسوس کننگ اٹی ءِ۔ ساڑی کٹھ پتلی نا وڑ ہر غاصب آ حکمران ءِ حقیقت نا سما اف، شاری حقوق غصب شونداری نا عمل ءِ توننگا، سگنگ و انتہاپسندی ءِ پین زیات کننگا، مزور تا کاٹم تا زی آ بے روزگاری نا زخم آک ٹنگوک ءُ۔ ہراڑان ہر گدرینگوک آ دے اتون غریب پین غریب مرسا ءِ۔ وخت اس کہ عام انگا شاری کورونا و ملخ آتا رحم وکرم اٹی ءُ۔ اِرا وخت انگا اِرغ و انصاف کبین ءُ، غریب پین غریب مرسا ءِ۔ پاکستان پیپلزپارٹی نا چیئرمین بلاول بھٹو زرداری پارینے کہ صوبائی خودمختاری نا رکھ اکن گنجائش ءِ کچ اٹ کننگ انگ ءِ۔ وخت اس کہ عام انگا شاریک کورونا و ملخ آتا رحم وکرم آ تموک ءُ۔ او پارینے کہ پیپلزپارٹی آئین وجمہوریت کن بے چک قربانی تسنے و ترسا کیک۔ ولے جمہوریت داسہ کن سوگو اف۔ اونا سوگوی کن ننے پین قربانی تروئی تمک۔ داڑان بیدس بلاول بھٹو حکومت آ تنقید کرسا پارینے کہ صوبائی خودمختاری نا رکھ اکن گنجائش آتے کچ اٹ کننگ اٹی ءِ۔ او پارینے کہ مزور تا کاٹم تا زی آ بے روزگاری نا زخم ٹنگوک ءِ۔ ہراڑان ہر گدرینگوک آ دے اتون غریب پین غریب مرسا ءِ وخت اس کہ لس شار کورونا و ملخ آتا گواچی مننگ ءِ۔