ننا انصاف نا نظام زوراک ءِ ہلنگ کپک، وزیر اعظم

لاہور، رائیونڈ (اے پی پی /آن لائن) وزیر اعظم عمران خان پارینے کہ ننا انصاف نا نظام زوراک ءِ ہلنگ کپک، وزیراعظم عمران خان پارینے کہ ننا انصاف نا نظام واکدار آتے ہلنگ کپک‘داڑے اسہ مائنڈ سیٹ اسے کہ دا بیرہ اسہ چنکو تپّہ سے نا پاکستان ءِ‘ ایلیٹ تپّہ ملک ءِ ہر وڑ اٹ تینا دوٹی کرینے‘ حکومت آتے ٹی بننگ آن پد ارب، کھرب پتی مروک آک حساب تننگ کن تیار افس کہ نن کانود آن بھلن ان۔پاکستان اٹ طاقتور کن کانود اف‘‘ پی ڈی ایم نا پن اٹ یونین جوڑ کننگانے کہ ننے این آر او تننگے‘ ایلو لس بندغ آتے زندان اٹ بند کروئی ءِ توبیشک کبو تا‘ اینو ننا دا جنگ ءِ کہ طاقور ءِ کانود نا شیف آن اتوئی ءِ و کمزور ءِ بڑزا کننگ کن ریاست مدینہ ناوڑ اٹ زمواری ہلوئی ءِ‘ بدبختی اٹ داڑے ہرا لیڈر شپ ئس اوفتا چھٹیک پیشن گدرینگارہ‘ اوفتا لندن اٹ پیلس و دبئی ٹی ماڑیک ءُ‘ پاکستان اٹ بیرہ سیل سوات ہندن ءُ بشخ اسے ہرانا کمک اٹ نن تینا برآمدات آن زیات پیسہ کٹنگ کینہ ولے داڑا کس اس وخت اس ہم چکار کتنے، کشت وکشار آ پنجا سال آن کس اس چکار کتنے‘ نن مہالو زرگزران ءِ سوگو کرینہ۔ حکومتی گام گیج آتیان پاکستان اٹی کشاری انقلاب بریک، سیل و سوات نا بشخ آن نن تینا درآمد آتیان زیات زرمبادلہ دوئی کننگ کینہ، تعمیرات نا بشخ اتون 30 صنعت گنڈوک ءِ، دا بشخ آ چکار کرسا بے روزگاری ٹی کمتی و ملکی دولت اٹ ودکی کننگ مریک، کم خڑچ ہاؤسنگ ڈٹ شروعات ءِ، داڑان کچہ انگا آبادی تا تالانی کم مریک، کچہ انگا آبادی تے ترک ماڈل نا رداٹ بدل کننگ نا ڈٹ اس اتنگ اُن، قوم ءِ تاکیدءِ کہ او ماسک بینر، بیرہ ماسک اٹ کورونا غا کنٹرول کننگ مریک۔ او پنچ شنبے نادے آ داڑے رائیونڈ اٹی پنجاب پیری اربن کم خڑچ ہاؤسنگ اسکیم نا ڈٹ انا بناءِ کننگ نا وخت آ تران کریکہ۔ داوخت آ وزیراعلیٰ پنجاب عثمان بزدار ہم تران کرے۔ وزیراعظم عمران خان پارے کہ ننا ذہنیت دا جوڑ موسس کہ دا ملک اٹی اسہ اشرافیہ تپہ اس پاکستان ءِ ہروڑاٹ کوزہ ٹی ہلکونے، تعلیم نوکری تون اوار غٹ آسراتیک اوفتا کوزہ ٹی ءُ۔ زندان تیٹی بیرہ غریب آن خننگرہ، ننا انصاف نا نظام زوراورداڑیل ءِ ہلنگ کپک۔ مستین اٹی ننا سرکاری ہسپتال گچین ئس ولے کرار کرار آ ہزگارتا درمان کن نجی ہسپتال جوڑ مس ہرا بھاز ہزگار ئسر او درمان کن پیشن نا ملک آ ہنارہ، اسہ ہندن ءُ نظام اس شون ہلک کہ ملک اٹی دا سوچ الوکہ کہ لس بندغ امر زندءِ تیر کننگ ءِ۔ ہنداوڑ ہاؤسنگ نا بشخ ءِ ہم گوجالنگا۔ لاہور مستین اٹ باغ تا شار ئس، داڑے کچٹی الوکہ ولدا ہزگارآتے کن بحریہ و ڈیفنس نا علاقہ جوڑ مس۔ کس اس لس بندغ کن تینا اُرانا سجفتو ولدا کچہ انگا آبادیک جوڑ مننگ بناکریر اینو نیمہ کراچی بستی تیا تالان ءِ ہراڑے بجلی و گیس انا غیر کانودی کنکشن رشوت ترسا دوئی کننگک۔ سیوریج نا نظام اف۔ اوپارے کہ داڑتون اوار اوار کوزہ گروپ متحرک مرسا ہنا، عدالت آتے ٹی داوڑ نا کیس 50، 50 سال پدسلوک ءُ۔ جج پولیس تون اوار ایلو محکمہ غاک اوار ملار۔ وزیراعظم عمران خان پارے کہ پوسکن آ پاکستان ہاؤسنگ سوسائٹی نا تصور لس بندغ، تنخواہ دار تپہ، سرکاری ملازم، مکینک و ویلڈر کن اُرانا آسراتی فراوان کننگ ءِ۔ وزیراعظم پارے کہ قوم ءِ پاننگ خواوہ کہ داہیت ءِ ذہن نشین کے ہرا راج لس بندغ آ چکار کپک او شون ہلنگ کپک۔