سریاب روڈ آ ورنا فیضان جتک ناخون، کمامدار آتا نوٹس

کوئٹہ:سریاب روڈ پاننگ آتا رد اٹ پولیس نا سم کاری آن فیضان جتک پنی ءُ ورنا اس زوال مسنے۔  واقعہ نا برخلاف اونا تینائیک روڈ ءِ بند کرسا برانز کریر۔ صوبائی وزیرداخلہ میرضیاء اللہ لانگو واقعہ نا نوٹس ءِ ہلکنے۔ دوبہ دار ایگل اسکواڈ نا کارندہ دزگیر کننگانے۔

سرجم حوال آتا ر داٹ صوبائی وزیرداخلہ آئی جی پولیس آن واقعہ نا دمدستی رپورٹ ءِ بٹنگانے۔ و فیضان نا تینائی تیان خواست کرینے کہ اوفک برانز ءِ چٹفر۔

او پارینے کہ اونا تینائی تے ہر کہول آ حکومت انصاف فراوانی کن کمک کیک۔

ایس ایس پی نا سروکی ٹی واقعہ نا شفاف جاست پاست کن کمیٹی اس ٹہیفنگک۔

داکان بیدس آئی جی پولیس بلوچستان نا ترجمان پارینے کہ سریاب واقعہ نا نوٹس ہلنگانے۔ و دمدستی انکوائیری نا پرمان جاری کننگانے۔