پیشن نا فنڈنگ نا شڑت آن پد آئی ایم ایف تون معاہدہ مریک، وزیر مملکت خزانہ

اسلام آباد: وزیر مملکت خزانہ ڈاکٹر عائشہ غوث پاشا پارینے کہ پاکستان تحریک انصاف نا حکومت نا کنڈآن آئی ایم ایف تون معاہدہ ٹی خلاف ورزی تا سوب آن بے پتی نا فضا ودی مس، چین، سعودی عرب و متحدہ عرب امارات کون آ سنگت ملک آتون پیشن نا فنڈنگ نا گرج آتیا ہیت مننگ اٹی ءِ، آئی ایم ایف نا پیشن نا فنڈنگ نا بابت شڑت آتا پورو مننگ آ اسٹاف لیول معاہدہ طے مریک۔ چارشنبے نادے آ قومی اسمبلی نادیوان اٹی وقفہ سوج آتیٹی مولانا عبدالاکبر چترالی نا سوج انا ورندی ٹی وزیر مملکت خزانہ ڈاکٹر عائشہ غوث پاشا پارے کہ فوجداری باندات آتیٹی مقدمہ غاک اے سی سی پی نا دنگ اٹ بفسہ، داعدالت آتا دنگ اٹ بریرہ۔ عالیہ کامران نا سوج انا ورندی ٹی وزیر مملکت خزانہ پارے کہ آئی ایم ایف تون مسکوہی حکومت ہراہ معاہدہ ءِ کرے اوکان پد او اوڑان مون ہڑسا ہراڑان آئی ایم ایف و پاکستان نا نیام اٹ بے پتی نا حالیت ودانے، ایلوآڈیولیک آتا بابت دا باندات ءِ فنانس ڈویژن ہُننگ کپک، حکومت ہی کارروائی کننگ کیک۔ سردار طالب نکئی نا سوج انا ورندی ٹی وزیر مملکت عائشہ غوث پاشا پارے کہ آئی ایم ایف تون ساڑی حکومت ءِ پت سازی نا گام گیج آتے ہرفوئی تمانے۔

(اے پی پی)