آئین نا دنگ اٹ مرسا غٹ ادارہ غاک تینا کڑد ءِ ادا کیر، مفتی عبدالشکور

اسلام آباد: بنجائی وزیر مذہبی امور مفتی عبدالشکور پارینے کہ آئین نا دنگ اٹ مرسا غٹ ادارہ غاک تینا کڑد ءِ ادا کیر، ادارہ غاک فریق بایدے مفس، قبائلی علاقہ غاتیٹی مردم شماری ٹی غٹ ہنکینی تے اوار کننگ ءِپک کننگے۔ چارشنبے نادے آقومی اسمبلی نا دیوان اٹی گپ وتران کرسا مفتی عبدالشکور پارے کہ داوخت آ ملک اٹی مردم شماری مننگ ءِ وخت اس کہ اوڑتون اوار اوار الیکشن نا ہیت ہم مننگ اٹی ءِ۔ بنجائی وزیر پارے کہ داکان مست 2017 ٹی مردم شماری مسوسس، ہراتم قطبی وزیرستان اٹی آپریشن تیان پد مخلوق آئی ڈی پیز جوڑ مسرہ تو ہمووخت آ این ڈی ایم اے زہمی تا کچ ءِ 11 لکھ پاریسس ولے 2017 نا مردم شماری ٹی آبادی ءِ 5 لکھ نشان تننگا۔ سویلی وزیرستان اٹی قومی اسمبلی نا اِرا نشست ئسر ہراسہ اسٹ اس رہینگانے، ہندا وڑ خیبر، کرم ایجنسی و باجوڑ اٹی نشست آک کم مسنو۔ بنجائی وزیر پارے کہ مسکوہی قبائلی علاقہ مہالوآن آپریشن و دہشت گردی نا مون اٹی ءُ، ملک انا آبادی ودانے ولے مسکوہی قبائلی علاقہ غاتا آبادی کم مننگ ءِ۔

(اے پی پی)