مچ آ ملک اٹی 24 گھنٹہ ٹی کورونا دین انا 49 کیس رپورٹ

0

Get real time updates directly on you device, subscribe now.

اسلام آباد: مچ آملک اٹی 24 گھنٹہ ٹی کورونا دین انا 49 کیس رپورٹ مس و 24 ناجوڑ آتا حالیت نازرک ءِ۔ چارشنبے نادے آ قومی ادارہ جان جوڑی (این آئی ایچ) نا کنڈآن جاری حساب وکتاب نا رداٹ مچ آملک اٹی 24 گھنٹہ ٹی کورونا دین انا 3 ہزار 562 ٹیسٹ کننگا ہرافتیان 49 بندغ آتا ٹیسٹ مثبت بس ہندا وڑ مثبت کیس آتا کچ 1.38 درسد ئسک و داوخت آ کورونا دین آن اسہ ناجوڑ اس ہم زوال کتنے وخت اس کہ 24 نا حالیت نازرک ءِ۔ ملک انا چندی شار تیٹی 24 گھنٹہ ٹی کروک آ کورونا ٹیسٹ و مثبت کیس آتا بابت لاہور اٹی 437 بندغ آن 16 بندغ آتا ٹیسٹ مثبت بس و ہموڑے مثبت کیس آتا کچ 3.66 درسد ئسک ہندا وڑ بہاولپور اٹی 226 ٹیسٹ آتیان اسہ ناجوڑ اسے نا ٹیسٹ مثبت بس و ہموڑے کچ 0.44 درسد ئسک وخت اس کہ اسلام آباد اٹی 520 آن 8 بندغ آتا ٹیسٹ مثبت بس و کچ 1.54 درسد ئسک۔

(اے پی پی)

Get real time updates directly on you device, subscribe now.

Leave A Reply

Your email address will not be published.