سرہ پاچہ
عبدالکریم فریادی
Get real time updates directly on you device, subscribe now.
دا شاہی خوراک ءِ نن خواجہ کنینہ
غریب اُن ہمیشہ سرپاچہ کنینہ
ننا خف اٹ بفک دغر نا گگلہ
ننے دا دعا ءِ ننا تس بلہ
مِلا دعوت ٹیٹ زیادہ کنینہ
سال تیٹ خنپنہ پلاو بریانی ءِ
خدا اتے دعا کبو اڑزانی ءِ
گڑا نن خریش مائیچہ کنینہ
با دیر اِلک بنگن کسٹرڈ نا ہیت ءِ
شوق اٹ نوش کینہ بے سورہ نا تریت ءِ
دیر اٹ لار تروک ءُ خوائے کنینہ
نصیب اف ننے روسٹ سجی کڑائی
فرنی و حلوہ مکھن ملائی
سہب شام اِرغ ءِ تینا سادہ کنینہ
ہنا ساگ ڈوڈی عیش آتا نظر مس
ستو، ڈُٹ، خرمین تپنہ امر ئس
اینو پگہ فریادی انگلش ءُ ناشتہ کنینہ
ہفتئی تلار
06-12 June 2020
تاک، 22
پنہ : 05