غزل

ای مسٹ داسہ یکہ، تنیا کنیوہ دھکہ

بخت اٹی اللہ سائیں کنا غم کنوک اس لکھہ

زند کنا چٹ بے شان ءِ، قسمت بے وس تنگان ءِ

داخس آ بھلا دنیا ٹی است انا گلشن ویران ءِ

است انامالک نی مولا کنے است اٹی کس انا ڈکہ

ای خواوہ اللہ نے آن کنا است اتون ہڑدے جنگ ءِ

مر کہ کنا دا است آن نی بے سہبی نا زنگ ءِ

دا بے باور آ است آن کنا عزت ءِ مالک رکھہ

کس تپک است انا مرض ءِ تینا بندہ نا بن نی عرض ءِ

احسان کرم کر کنے آ، کنا خواہنگ نے آن فرض ءِ

خواوہ نے آن دنیا نا ہر خوشی ءِ کن کن سبک کہ

آرام قرار کنا گوہنگا، کنا سار کنے آن گوہنگا

خوش ئسٹ تینا دنیا تون، کنا پیار کنے آن گوہنگا

دیوانہ گنوک اس مُر اف، داسہ مسنے است اجکہ

اینو دو تے کرینٹ بڑزا ای نے آ فرق مہر تینا

پین کس ننا اف نیام اٹ نی مالک ای اُٹ مے نا

اِلانو کنے کل تنیا، اینو مسنے است ہبکہ

ہفتئی تلار

06-12 June 2020

تاک، 22

پنہ : 04