مسلم لیگ (ن) نا وژن ملک اناکہول آ شونداری ءِ‘ نواب ثناءاللہ زہری
Get real time updates directly on you device, subscribe now.
خضدار (آن لائن) پاکستان مسلم لیگ نا بنجائی راہشون مسکوہی وزیراعلیٰ بلوچستان چیف آف جھالاوان نواب ثنا اللہ خان زہری پارینے کہ مسلم لیگ (ن) نا وژن ملک اناکہول آ شونداری ءِ و مچ آ ملک انا پد تموک الس ءِ پسماندگی آن کشسا شون ہلوک ءُ قوم اس جوڑ کننگ نا لائخ ارے‘ ہندا سوب آن علاقہ نا پامدار پختہ سیاسی سوچ تخوک آ متبر آک مسلم لیگ (ن)اٹ اوار مننگ اٹی ءُ ہرا ننا صوبائی و بنجائی سرکڑدہ غاتیا الس نا ودوک آ پت انا درشانی ءِ‘ زہری نا قبائلی راہشون میر عبدالواحد زہری و اونا سنگت آتا اوار مننگ آن پارٹی علاقہ ٹی پین سوگو مریک۔ دا خیال آتا درشانی ءِ او مسلم لیگ (ن) اٹ زہری آن پوسکن اوار مروک قبائلی راہشون میر عبدالواحد زہری تون ٹیل فون آ ہیت وگپ کرسا کرے۔ نواب زہری پارے کہ علاقہ نا شونداری وشونہالی نا سوچ تخوک آ بندغ آتا اوار مننگ آن علاقہ ٹی شونداری نا پوسکن ءُ کسر ملنگرہ۔