حقدار آتسکان راشن سر کننگ نا چاروکی ءِ کننگ انگ ءِ‘علی محمد ہانبھی
Get real time updates directly on you device, subscribe now.
تمبو (آن لائن) اسسٹنٹ کمشز چھتر علی محمد ہانبھی تحصیلدار محمد شاہ کہیری پارینے کہ ڈپٹی کمشنر نصیرآباد حافظ محمد قاسم کاکڑ نا خصوصی پارت آ ضلع نصیرآباد و ایلو تحصیل تیانبار تحصیل چھتر اٹ ہم حقدار الس اٹ انصاف اٹ راشن بشخنگ انگ ءِ’ لاک ڈاﺅن آن زہمی مزدور مستری و نیامئی تپہ بے روزگار مسنے‘ حکومت بلوچستان ناکنڈآن اصل حقدار آتے راشن ہمو وخت آ تننگک ہراتم حقدار آتا کل کاغد آک پورو مریر‘ تحصیل چھتر نا حقدار الس صبر کے‘ راشن تننگ کن تروک درخواست آتے ہننگ انگ ءِ۔ خواری کش و مزورکار آتے راشن تننگ انگ ءِ تاکہ اوفتا دیگدانک پُدین مفس۔ دا خیال آتا درشانی ءِ او صحافی تتون ہیت وگپ کرسا کرے۔ اوپارے کہ ڈپٹی کمشنر نصیرآباد حافظ محمد قاسم کاکڑ اسہ نیک نیت و الس دوست ءُ افسر ہرا نصیرآباد اٹ راشن تننگ ناسخت چاروکی ءِ کرسا اصل حقدار آتسکان راشن نا فراوانی ءِ پک کرینے۔ اوپارے کہ تحصیل چھتر نا چندی علاقہ غاتے ٹی راشن تننگ نا چاروکی ءِ کننگ انگ ءِ تاکہ اسہ حقداراس ہم راشن آن محروم مف۔