حکومت گچین، آسان طبی آسراتی فراوان کننگ کن گام گیج آتے برجا تخک،سید مصطفی کمال

اسلام آباد، وزارت جان جوڑی و پنی آ ڈیجیٹل ہیلتھ ٹیک اینڈ ٹیلی میڈیسن ادارہ ”صحت کہانی“ نا نیام اٹ ٹیلی میڈیسن نا آسراتی تا مونی دننگ او دنگ ءِ پین ودفنگ کن مفاہمتی یادداشت آ دستخط کننگا۔ دا رد اٹ وزارت جان جوڑی ٹی اڈ ہلوک دود آن بنجائی وزیرِ جان جوڑی سید مصطفی کمال تران کرے۔ بنجائی وزیرِ جان جوڑی سید مصطفی کمال پارے کہ اینو نن اسہ پین اہم مزل اسے اسے آ سرمسن۔ ٹیلی میڈیسن ڈٹ انا اولیکو ریسہ پورو مسنے و اینو ارٹمیکو ریسہ نا باقاعدہ بناءِ کننگ اُن۔او پارے کہ اولیکو ریسہ ٹی جان جوڑی کہانی نا شریداری اٹ 10ٹیلی میڈیسن سینٹر جوڑ کننگاسس، وخت اس کہ ارٹمیکو ریسہ ٹی پین 10سینٹر جوڑ کننگ انگ ءِ۔ داکان بیدس پمز انا او پی ڈی او ٹراما سینٹر ءِ ہم ٹیلی میڈیسن نا نظام تون گنڈنگ انگ ءِ۔ بنجائی وزیر پارے کہ ننا ہر وڑ اٹ کوشست ءِ کہ لس بندغ نا زِند اٹی گچینی اتنگ مرے۔ ٹیلی میڈیسن نا آسراتی تا مونی دننگ آن بھلا ہسپتال آناجوڑ آتا زور کم مریک و الس ءِ اُرانا درگہ غا سَندی و جوان انگا ڈاکٹر آتا خذمت دُو بریک۔ او پارے کہ کبینی نا ساڑی دور اٹی الس ءِ اُراٹی تولوک طبی آسراتی تا فراوانی اسہ بھلو پیشرفت اسے۔ جان جوڑی کہانی نا کنڈآن ڈاکٹر آتا خذمت مفت فراوان کننگ انگ ءِ وخت اس کہ ڈاکٹر آتا فیس ہم جان جوڑی کہانی تینٹ تننگ ءِ۔مصطفی کمال پارے کہ ٹیلی میڈیسن نا کمک اٹ داتم اسکان الس نا کم و ود 7کروڑ روپئی بچفنگانے، حالانکہ دانظام نا بنا مننگ ءِ داسکان منہ دے مسنے۔ او مستی پارے کہ ٹیلی میڈیسن نا نظام اٹ 500 پوسکن ڈاکٹر آتا ودکی ءِ کننگانے۔ جان جوڑی وزارت جان جوڑی کہانی ءِ ہند آتے کن جاگہ و دوائی فراوان کننگ ءِ، وخت اس کہ ڈاکٹر آتا فیس انا زرتس جان جوڑی کہانی نا زمواری ءِ۔ بنجائی وزیرِ جان جوڑی پارے کہ ٹیلی میڈیسن نا آسراتی ءِ گلگت بلتستان تون اوار ملک انا جتا جتا علاقہ غاتسکان ودفنگ انگ ءِ تانکہ مرمر انگا علاقہ غاتا الس ہم آب اٹ طبی آسراتی تیان فائدہ ہرفنگ کیر۔او دا ارادگی نا درشانی ءِ کرے کہ حکومت الس ءِ گچین، آسان و رسینگ نا قابل طبی آسراتی فراوان کننگ کن دا وڑ انا گام گیج آتے برجاتخک۔