کورونا وائرس از خود نوٹس کیس: سندھ حکومت تینا رپورٹ ءِ جمع کرفے

0

Get real time updates directly on you device, subscribe now.

اسلام آباد (آن لائن) کورونا وائرس از خود نوٹس کیس اٹ سندھ حکومت تینا رپورٹ ءِ سپریم کورٹ اٹ جمع کرفے۔ سندھ حکومت نا کنڈآن جمع کرفوک رپورٹ نارد اٹ زکوة و بیت المال نا بابت سرجم رپورٹ ءِ مہالو جمع کرفنگانے۔ رپورٹ اٹ پاننگا کہ ٹوٹل زکواة فنڈ انا 23.71 درسَد سندھ ءِ رسینگک۔ 20-2019 اٹ سندھ اتون 2041.1 ملین روپئی زکوة فنڈ مچ مسر۔ دا سال اسہ ہزار 200 ملین گزارا الاﺅنس کن جتا کننگانے وخت اس کہ دینی مدرسہ‘ ہیلتھ کیئر، سوشل ویلفیئر و غریب انگا مسن تا برام تیکن 203 ملین جتا کننگانے۔ رپورٹ اٹ پاننگا کہ تعلیمی کمک و عئید پیکیج کن اسہ ہزار 491 ملین روپئی تخنگانے و زکواة فنڈ آن کارندہ غاتا 817 بندغ نا تنخواہ تیا185.9 ملین روپئی خڑچ مریک۔ سندھ حکومت موقف تینائی کرے کہ 390 صنعتی یونٹ آتے ایس او پی تا رد اٹ ملنگ نا موکل تننگانے و طبی کارندہ غاتون اوار غٹ تمام ورکر آتے رکھی طبی ازباب تننگ انگ ءِ۔ رپورٹ اٹ پاننگا کہ سندھ اٹ دے انا 74 ہزار 170 کورونا وائرس ٹیسٹ انا لائخی ارے۔ کورونا وائرس نا سوب آن کراچی نا 11 یونین کونسل ءِ سیل کننگاسس و اگہ یونین کونسل تے ٹی لاک ڈاﺅن کننگتوکہ تو کیس تا پین ودنگ نا خلیس ئس۔

Get real time updates directly on you device, subscribe now.

Leave A Reply

Your email address will not be published.