سیوتی جماعت (ق) لیگ اسہ وار ولدا حکومت ءِ خواست آتے تس
Get real time updates directly on you device, subscribe now.
اسلام آباد (آن لائن) پاکستان مسلم لیگ ق حکومت تون شونداری کاریم تیکن 20ارب روپئی‘ مسہ ضلع نا پورو کنٹرول و بلدیاتی گچین کاری تے ٹی ہم پیکیج خواہسنے وخت اس کہ حکومت تینا سیوتی تیان پین بلیک میل مفننگ نا فیصلہ کرینے۔ حوالی نا رد اٹ وزیراعظم عمران خان وزیراعلیٰ پنجاب گورنر و سینئر وزیر شفقت محمود پر چوہدری برادر آتون مذاکرات کننگ کن اسہ کمیٹی اس ٹہیفسس ولے حوالی پارینے کہ چوہدری برادر آک بنجائی وزیر شفقت محمود تون ہیت کننگ آن ہم نمن مسر و او پاریر کہ ننا خواست آتا مہشون پک ءِ اوڑا عملدرآمد کننگے‘ دا خواست آتے مہالو ہم پیش کننگانے ولے ہچ پیش رفت مفننگ ءِ۔ حوالی نا رد اٹ چوہدری برادر مسہ ضلع چکوال‘ گجرات لاہور نا پورو کنٹرول ءِ خواہسنو و بیست ارب روپئی ہم خواہسنو کہ دا ضلع غاتے ٹی شونداری کاریم کرفنگک‘ ہندن بلدیاتی گچین کاری تے ٹی ہندا مسہ ضلع نا پورو کنٹرول بدلی و نوکری اسکان خواہنگانے دا خواست آتے او اولیکو کمیٹی ءِ ہرانا سروک جہانگیر ترین ہم تننگاسس و داسہ او داڑا دمدستی عملدرآمد نا خواست کرینے‘ ایلو کنڈآحکومت ناکنڈآن ہم حوالی نارد اٹ اسہ فیصلہ کننگانے کہ او سیوتی جماعت آتا بلیک میلنگ اٹ بفک و کل ءِ متکن آ تنخواہ تیا کاریم کننگ ناوارخواہی تننگانے۔ یات سلے کہ حکومت ءِ پاکستان مسلم لیگ شہباز ناکنڈآن پورو مخ تفی دوئی مسنے و او باور کرفینے کہ او پنچ سال اسکان ساڑی حکومت ءِ بٹنگ کن الیپک۔