تحریک انصاف نا گچین کاری پڑ آ بننگ نا فیصلہ، جلسہ غاتاتیاری نا بنا
Get real time updates directly on you device, subscribe now.
اسلام آباد : سپریم کورٹ نا فیصلہ غان گڈ پاکستان تحریک انصاف گچین کاری پڑ آ بننگ نا فیصلہ کرینے۔ پارٹی حوالی نا رد اٹ پی ٹی آئی خیبرپختونخوا و پنجاب اٹ گچین کاری جلسہ غاتا تیاری نا بناءِ کرینے‘ حوالی نا رد اٹ پی ٹی آئی سرکڑدہ غاتے گچین کاری جلسہ غاتا شیڈول جاری کننگ نا پارت کننگانے۔ چیئرمین تحریک انصاف عمران خان تینٹ گچین کاری مہم نا چاروکی ءِ کننگ نافیصلہ کرینے۔ عمران خان خیبر پختونخوا و پنجاب نا تنظیم تے اومیتدار آتے فائنل کننگ تون اوار ہڑتوم آ صوبہ غاتا پارلیمانی بورڈ آتے پرمان ہم جاری کرینے۔ یات سلے کہ تدوک آ دے چیئرمین پاکستان تحریک انصاف عمران خان جیل بھرو تحریک ءِ پد بٹسا گچین کاری مہم بنا کننگ نا پڑو کریسس۔
(آن لائن)