مچ آ ملک اٹی 24 گھنٹہ ٹی کورونا دین انا 32 پوسکن ءُ کیس رپورٹ
Get real time updates directly on you device, subscribe now.
اسلام آباد : قومی ادارہ جان جوڑی (این آئی ایچ) پارینے کہ مچ آملک اٹی 24 گھنٹہ ٹی کورونا دین انا 32 پوسکن ءُ کیس رپورٹ مس ہرافتیان 12 ناجوڑ آتا حالیت نازرک ءِ۔ پنچ شنبینادے آ این آئی ایچ نا کنڈآن جاری حساب وکتاب نا رداٹ مچ آملک اٹی 24 گھنٹہ ٹی 4 ہزار 580 کورونا ٹیسٹ کننگا ہرافتیان 32بندغ آتا ٹیسٹ مثبت بس، ہندا وڑ دا مد اٹی کورونا ٹیسٹ انا مثبت کچ 0.70 درسد ئس۔ داکان بیدس داوخت آ کورونا دین آن ہچ ءُ ناجوڑ اس زوال کتنے وخت اس کہ 12 ناجوڑ آتا حالیت نازرک ءِ۔ مچ آملک انا چندی شار تیٹی 24 گھنٹہ ٹی کروک آ ٹیسٹ آتیان اسلام آباد اٹی 238 ٹیسٹ کننگا ہرافتیان 05 ٹیسٹ مثبت بس و ہموڑے مثبت کیس آتا کچ 2.10 درسد ئس۔ ہندا وڑ فیصل آباد اٹی 211 ٹیسٹ کننگا ہرافتیان 2 ٹیسٹ مثبت بس، ہموڑے کچ 0.95 درسد ئس، سرگودھاٹی 138 ٹیسٹ آتیان 2ٹیسٹ مثبت بس، ہموڑے کچ 1.45 درسد ئس وخت اس کہ لاہور اٹی 957ٹیسٹ آتیان 11 ٹیسٹ مثبت بس و ہموڑے مثبت کیس آتا کچ 1.15 درسد ئس۔