ایران و ترکی خلیجی ملک آتا باندات آتیٹی نیام تمپس، عرب لیگ نا خواست
Get real time updates directly on you device, subscribe now.
قاہرہ (آن لائن)عرب لیگ اسہ وار ولدا عرب ملک آتیٹی ایران و ترکی نا نیام تمنگ نا مذمت کرسا ہندا ہڑتوم آ ملک آتیان عرب ویل اٹ اوار تمننگ آن پدی مننگ نا خواست کرینے۔ عرب لیگ نا اسسٹنٹ سیکرٹری جنرل حسام زکی دیوان آن پد پریس کانفرنس اٹ پارینے کہ انقرہ و تہران عرب ملک آتا نہاد آتیٹی تینا مفاد آتا دوئی کننگ نا کوشست کننگ اٹی ءِ۔ حسام زکی پارینے کہ ننے لیبیا ٹی قیام امن نا کوشست آتا سرسہبی آ بایدے مایوس مروئی اف۔ گمان ارے کہ دا بابت اٹ زوت اس بھلو پیش رفت اس مریک۔ اسہ سوج اسے نا ورندی ٹی عرب لیگ کمامدار آتا پاننگ ئس کہ عرب لیگ نا وزرا خارجہ کہول نا دیوان اٹ مسئلہ فلسطین آ ہیت و گپ کننگانے ولے دا بابت اٹ ہچ ءُ اواری نا فیصلہ اسے آ امنائی مننگ کتنے۔