باکسر محمد وسیم نا ستمبر اٹ ولدا رنگ اٹ پترینگ انگ نا ارادہ
Get real time updates directly on you device, subscribe now.
لاہور(مانیٹرنگ ڈیسک) پاکستانی پروفیشنل باکسر محمد وسیم ستمبر اٹ ولدا رنگ اٹ پترینگ انگ نا پارینے۔ ویڈیو لنک آ ہیت کرسا محمد وسیم پارینے کہ 28 مارچ آ طے مروک آ فائٹ کن دبئی ٹی ٹریننگ کریٹہ ولے کورونا وائرس نا سوب آن اودے کینسل کریٹ۔ اینو پگہ اُرا ٹی تینا فٹنس ءِ اسہ وڑ تخنگ کن سخت خواری کننگ اٹی اُٹ۔ کورونا آن ودی مروک آ حالیت آتیٹی جوانی بننگ آ اسکاٹ لینڈ آ کاوہ ہراڑے تینا ٹریننگ نا اسہ وار ولدا جوان وڑاٹ بنا کیوہ۔ محمد وسیم مستی پارینے کہ اونا پروموٹر ستمبر اٹ ولدا انٹرنیشل فائٹ نا تیاری تے کننگ اٹی اُٹ۔ کوشست کیوہ کہ مالو نا وڑ دا مقابلہ ٹی ہم پاکستان نا بیرک ءِ بڑز کیو۔ ورنا غا باکسر ایلو پاکستانی باکسر آتیکن اُست خواہی نا درشانی ءِ کرسا فیڈریشن و حکومت آن خواست کرے کہ ملک اٹ باکسنگ نا جوانی کن گام گیج آتیا سجفر۔