قطر‘ فٹ بال ورلڈ کپ نا شونداری ڈٹ آتیٹی کاریم کروک ءُ انجینئر اس کورونا آن تپاخت کرے

دوحہ(مانیٹرنگ ڈیسک) قطر اٹ فٹ بال ورلڈکپ نا بابت اٹ برجا انگا شونداری ڈٹ آتیٹی کاریم کروک آ درملکی ملازم و لیبر ءِ کورونا آن بچنگ کن ہچ ءُ جوان ءُ آسراتی اس تننگتنے۔ تدوک آ دے قطر اٹ فٹ بال ڈٹ اٹ کاریم کروک آ کورونا نا ناجوڑ ءُ انجینئر اس تپاخت کرے۔ درملکی خبر ایجنسی نا رداٹ قطر اٹ لیبر نا بابت اٹ پاننگانے کہ فٹ بال ورلڈکپ نا شونداری ڈٹ آتیٹی کاریم کروک ءُ 1101 در ملکی ملازم کورونا نا گواچی مسنو۔ حوال نا رداٹ وخت انا کمتی نا خلیس آن قطری حکومت کورونا وائرس نا دَین اٹ ہم شونداری ڈٹ آتے آ کاریم تے برجا تخانے ولے شونداری پِڑ آ کاریم کروک آ در ملکی مزور و ایلو کارندہ غاتے ہچ ءُ رکھوک ءُ آسراتی اس تننگتو۔  اسہ رپورٹ اسے نا رداٹ ہراتم آن قطر اٹ فٹ بال مقابلہ کن شونداری ڈٹ آتیا کاریم بنا مسنے۔ سخت انگا حالیت آتیٹی کاریم کروک ءُ1500 غیرملکی مزور تپاخت کرینو۔ رپورٹ اٹ مستی پاننگانے کہ قطری حکومت در ملکی لیبر تون غلام نا وڑاٹ پیش بریک۔ تدوک آ دے کورونا نا گواچی مروک ءُ اسہ درملکی 51 سالہ انجینئر اس ہم حکومت نا کنڈآن ہچ ءُ آسراتی اس ملپننگ نا سوب آن تپاخت کرے۔